2 Samueli 5:12 - Amazwi Yakwe Leza 2013

¹² Davidi pali pakwiluka ndi vino umu cumi Yawe aliwe watamuzumilizya ukuya umwene wa Izlaeli nga nu kucindamika uwene wakwe pamulandu wa antu yakwe aina Izlaeli.

2 Samueli 5:12 ပူးပေါင်းရင်းမြစ်များ

2 Samueli 5:11

Lyene Hilamu umwene waku Tuli atuma inkombe kuli Davidi ni vilongelelwa ivya uculuzi. Wayalongelizye imilando ya mikelide, pamwi na yakawaza ya mbao na yakaconga ya mawe, nga nayo iyakuulila Davidi isano.

2 Samueli 5:13

Pacisila lino Davidi wafuma mu Hebuloni, wene asenda aci nayauze kumwi na aci yampiti umu Yelusalemu, nga yamuvyalile ana nayauze aonsi na anaci kwene.

2 Samueli 7:16

Uluko lwako nu wene wako vilayelelela amanda yonsi pa manso yane. Nupya uwene wako ulaya uwa manda pe.’ ”

1 Yamwene 10:9

Alumbanyiwe Yawe Leza wako, wino wazangila munuli pa kukulasika apa wene mu Izlaeli. Pamulandu wakuti ukutemwa kwakwe ku ina Izlaeli ukwa manda pe, wene wakucita ukuya umwene wao pakuti wateeka mu ulungami nu wololoke.”

1 Milandu 14:2

Acino Davidi wamanyile ukuti Yawe watamulasika pa cilimba ca wene waku Izlaeli, nu kuti Yawe watapeela uwene wakwe ulongo pakuti cizipile antu yakwe aina Izlaeli.

2 Milandu 2:11

Hilamu umwene waku Tuli nawe atumila Solomoni kalata ati, “Pamulandu wakuti Yawe watemwa antu yakwe, watakulasika uwene apa antu yakwe.”

Esita 4:14

Ndi cakuti wala wamyalala sile cele, apa kasita kaa, ukupusuka nu kukululwa kwa Ayuda kulafuma sile kuze. Alino wemo kumwi na amu ng'anda yakwe so yonsi, ilaya ali mpela inu. Ale lyene, uzye aweni angamanya cii icalenzile kuti wewe ufike na kuli unamwene?”

Danieli 2:30

Lyene inkama ii yatisokololwa kunondi, asi pamulandu wakucenjela ukuluta ali wensi, lelo apakuti we musambazi ungamanya muno iciloto ciile nu kwiluka vino vizile mu mutwe wako.

Mpendwa 24:7

Amanzi yalafuma mu mbeketi zyao, cakuti ni mbezu zyao zilakontelelwa na manzi avulisye. Umwene wao alacindama ukucila Agagi, Nu wene wakwe ulaya ukatame.