2 Samueli 3:34 - Amazwi Yakwe Leza 2013

³⁴ Amakasa yakwe yatanyefilwe, na makulu yakwe yatanyefilwe mu vikonkoli. Nga lelo wene wafwile sile ungati umuntu wino ivipondo vyazanza!” Na antu yonsi yamulosya nupya.

2 Samueli 3:34 ပူးပေါင်းရင်းမြစ်များ

2 Samueli 1:12

Iyacula sana nu kulosya, cakuti yatalile icakulya mpaka na manguzi sana, pamulandu wakwe Saulo na Yonatani ni vita vyakwe Yawe nga na ina Izlaeli yonsi yano yakomilwe.

2 Samueli 3:33

Umwene Davidi pa kulosya Abineli amulosezya umu lwimbo lwa ulanda ati, “Uzye pacani cino Abineli wafwila wa ciwelewele?

2 Samueli 3:35

Uwanda uwa onsi antu yonsi yizanga kuli Davidi iyamupapata kuti alye icakulya. Lelo Davidi walavile nu mulapo ati, “Si Leza andye, ndi cakuti nemo nalya cimwi lino ilanzi litali liwe!”

Yobo 24:14

Ulazana ukuti icipondo cene calaya katondo tondo, kuti cikakome umupina nanti umulanda. Usiku cene ala waca, ali nsita yakuya umukwiyila auze.

Ezekelo 32:16

“Amazwi yane yaa yalaya ulwimbo lwa ndosya, nga akazyana ainamasi yalaimba, ukwimbilila Eguputo ni vita vyakwe. Ivyalanda ne Yawe Simwandalali.”

Oseya 6:9

Ndi vino azanzi yakateyamila umuntu umwi, vivyo kwene avino yasimapepo yakacita kuti yakome antu umu museo uwaku Syekemu. Cumi kwene yene yakakoma antu uku mufulo sile.

Yakapingula 16:21

Lyene aina Filisti iyamulema iyamutonkola amanso nga iyamusenda iyatentemukila ku Gaza. Kuli kuno iyaya iyamunyepa mu minyololo iili iyamukuwa, nga iyainyepelela kwiwe lyakusila umu ng'anda yaminyololo amuno aasya.