2 Samueli 3:3 - Amazwi Yakwe Leza 2013

³ Wakwe ciili wali a Kileabu, wino nyina wali a Abigelo, uwatwitwe ku muyazi Nabali, uwaku Kalimeli. Wakwe citatu wali a Abusalomu wino nyina wali a Maaka umwana umwanaci uwa mwene Talimai umwene waku Gesyuli.

2 Samueli 3:3 ပူးပေါင်းရင်းမြစ်များ

2 Samueli 13:1

Abusalomu umwana wakwe Davidi wakweti kaci wakwe umuyembe nupya wali a nacisungu. Izina lyakwe a Tamala. Nga pacisila ca nsita imwi, Amunoni umwana wakwe Davidi amukumbwa.

2 Samueli 14:23

Lyene Yoabu akatuka aya ku Gesyuli aya awezya Abusalomu ku Yelusalemu.

2 Samueli 14:24

Lelo umwene avwanga ati, “Mutini aye ku ng'anda yakwe. Wene atalinzile ukwikala mwi sano. Nsikulonda alolekela ku cinso cane.” Acino Abusalomu aya ukwakwe kololo nga atalolekile ku cinso ca mwene.

2 Samueli 14:32

Abusalomu nawe aasuka ati, “Pamulandu wakuti utizile lino natumile uwa kwizakwama pakuti nkutume ku mwene ku kumuuzya uti, ‘Uzye pacani cino nemo nafumile ku Gesyuli nu kwiza kuno? Cange cizipe inikala kuku kwene.’” Abusalomu atwalilila ukuvwanga ati, “Acino lyene nkasi ukulolana nu mwene, nga ndi cakuti indi nu mulandu umwi, ale lyene cingazipa kuti ankome.”

2 Samueli 15:7

Lino papita imyaka ini, Abusalomu anena isi ati, “Tata lekini inje ku Hebuloni ku kufikilizya ulayo uno nalavile kuli Yawe.

2 Samueli 15:8

Lino nikalanga ku Gesyuli umu Alamu, nalavile Yawe inti, ‘Ndi cakuti we Yawe waca wanswilizya ku Yelusalemu, ale lyene indaya nkakupepe ku Hebuloni.’ ”

2 Samueli 18:33

Umwene anyomelwa cuze na malanda. Alino aya ku muputule ukupuzya pa wingililo, nga alila. Lino akupita ale akupunda ati, “Iye umwana wane Abusalomu, umwana wane Abusalomu! Si cange cizipe nene imfwe ukuluta kuti wewe ufwe, we mwana wane Abusalomu, we mwana wane!”

2 Samueli 2:2

Acino Davidi aya ku Hebuloni. Asenda na aci yakwe yoili kwene, Ainoamu uwafumile ku Yezileele, na Abigelo uwatwitwe ku muyazi Nabali, nupya uwafumile ku Kalimeli.

1 Yamwene 1:6

Isi Davidi, atatazile amunenole ati, “Uzye pacani imicitile yako ili wakwe vii?” Adoniya nawe kwene wali umuyembe wakwe cimwi nupya uwali uwikolo pacisila cakwe Abusalomu.

1 Yamwene 2:15

Adoniya avwanga ati, “Wemo umanyile ukuti nene ndinzile ukuya pa wene na yonsi antu amu Izlaeli yacimanyile. Lelo asi vino cili pali ndakai foo, umwinane lyene ali wino ali pa wene, pano Yawe watamupeela uwene.

1 Milandu 3:1

Yaa ali ana aonsi yakwe Davidi yano yavilwe kunoli lino wali mu Hebuloni. Mu kuvyalwa yalondenkine ndi vii: Iyeli wali a Amunoni umwana umonsi wakwe Ainoamu uwaku Yezileele. Nga a Danieli wino nyina wali a Abigelo uwaku Kalimeli.

1 Milandu 3:2

Wakwe citatu wali a Abusalomu, wino nyina wali a Maaka, umwana umwanaci wakwe Talimai, umwene waku Gesyuli. Wakwe cini a Adoniya, wino nyina wali a Hagiti.

Malango 3:14

Yaili, uwali uwamu mupanda wakwe Manase, nawe ali pakutoola impanga yonsi yaku Aligobu, kuli kuti, Basyani, aya apelela ku mupaka wa ina Gesyuli na ina Maaka. Ali pakutemela imisumba ya kweneko izina lyakwe, wakwe ndi muno ikaamilwa na pilelo ukuti imisumba yakwe Havoti Yaili.)

Yoswa 13:13

Lelo aina Izlaeli yaposiwe ukuzinga antu aku Gesyuli nu ku Maaka. Icaleka na pilelo kwene antu yalya yakaikala pamwi na ina Izlaeli.

1 Samueli 25:3

Izina lyakwe wali a Nabali nga umuci wakwe wali a Abigelo. Wali amama umwi uwamano nupya umuyembe. Lelo iya, umwina Kalebu, wene wali umunkalwe nupya umusepukilwe.

1 Samueli 25:42

Zuwazuwa Abigelo akwela pali punda, nga na akazyana aomvi yakwe yasano iyamusukilila pali pamwi ni nkombe zizi zyakwe Davidi nga aya umuci wakwe Davidi.

1 Samueli 27:8

Lyene Davidi na antu yakwe yakatukanga iyaya ku kuzanza aina Gesyuli na ina Gilizi na ina Amaleke. (Uku mpiti antu yaa yikalanga umu mpanga iyafika ku Syuli mpaka nu ku Eguputo.)