2 Samueli 3:28 - Amazwi Yakwe Leza 2013

²⁸ Lino Davidi uvwa impwelo pali cii, avwanga ati, “Yawe amanyile ukuti nene pali pamwi na antu yano nkateeka sweswe yakaele ku utazi uu uwakatwe kakwe Abineli umwana umonsi wakwe Neli.

2 Samueli 3:28 ပူးပေါင်းရင်းမြစ်များ

Utandiko 4:10

Alino Yawe amuuzya ati, “Uzye pacani cino wacita icintu cii ciipisye? Uwazi wa munyonko ukulila kunondi ukufuma mu musili, wi zwi ilikulilila cilanduzi.

Utandiko 9:6

Nu muntu uwakoma umuntu muze, nawe kwene antu yauze yalamukoma. Pano umuntu waumvilwe mu cata cakwe Leza.

2 Samueli 1:16

Davidi avwanga nu kuvwanga ati, “Umulomo wako uwakulya. Wewe wemwisikulu watuilandila pa kanwa kako ukuti wakomile umusololwe wakwe Yawe.”

2 Samueli 16:8

Wemo wapokolola uwene wakwe Saulo. Acino ndakai Yawe akukuvunuka pamulandu wa kukoma aingi amu luko lwakwe Saulo. Yawe watapeela uwene kuli Abusalomu umwana wako umonsi, nga nawe watuononeka, we nkomi we!”

2 Samueli 3:27

Lino Abineli wafika umu Hebuloni, Yoabu amusenda pa mbali lwapa mpongolo, kwati akulonda ukulanda nawe umu nkama. Kuku kwene akuno amutota umu lunda. Avino Abineli yamukomile pamulandu wakuti wene wakomile Asaeli umwina wakwe Yoabu.

2 Samueli 3:29

Si uvunuko uu uwa utazi wa katwe uye pali Yoabu na aluko lwakwe! Si nupya insita yonsi umu aluko lwakwe muce mwaya aonsi aula uwonsi, na kuti yace yafwila umu nkondo, nanti muye akasu atakweti ivyakulya.”

Kufuma 21:12

“Wino wensi uuma umuntu umwi nu kumukoma, nawe kwene alinzile ukukomwa.

Mpendwa 35:33

Mutakowezya impanga ino mukaikala mwenemo. Utazi wa katwe ukakowezya impanga. Nupya kutangaya kucitila impanga ulutambi lwa kufuta amaifyo pa kuzwisya uwazi, suka sile wiyo kwene uwazwisizye uwazi wa muntu ali wino angalipa uwazi wakwe pa kuuzwisya pa mpanga iyo.

Mateo 27:24

Lino Pilato walola vino waposiwa cakucita, lelo kuluta kuti mpanzela ikatuke, atoola manzi afulala minwe pa manso yi umba avwanga ati, “Nemo insi na mulandu wa kukoma umuntu wii uwakaele. Mwemwe mumanye vyakucita.”