2 Samueli 3:27 - Amazwi Yakwe Leza 2013

²⁷ Lino Abineli wafika umu Hebuloni, Yoabu amusenda pa mbali lwapa mpongolo, kwati akulonda ukulanda nawe umu nkama. Kuku kwene akuno amutota umu lunda. Avino Abineli yamukomile pamulandu wakuti wene wakomile Asaeli umwina wakwe Yoabu.

2 Samueli 3:27 ပူးပေါင်းရင်းမြစ်များ

2 Samueli 13:26

Lyene Abusalomu avwanga ati, “Ndutangiza, fwandi leka tupite nu mwinane Amunoni.” Umwene nawe amuuzya ati, “Uzye pacani cino ukulonda mupitile nawe?”

2 Samueli 19:13

Davidi ayanena na mazwi kwene yaa kuti yanene Amasa yati, “Wewe wakazi kane. Ukutandika sile likwene, wemo nakulasika ukuya musika mukalamba uwa vita pa cifulo cakwe Yoabu. Si Leza andye, ndi cakuti ntacisile cii!”

2 Samueli 3:26

Lyene Yoabu afuma kuli Davidi, nga atuma inkombe izya kuyawezya Abineli. Nga nazyo izimuleta ukufuma ku Cifula ca Silaa. Lelo Davidi atamanyile nanti cimwi pali cii.

2 Samueli 3:28

Lino Davidi uvwa impwelo pali cii, avwanga ati, “Yawe amanyile ukuti nene pali pamwi na antu yano nkateeka sweswe yakaele ku utazi uu uwakatwe kakwe Abineli umwana umonsi wakwe Neli.

2 Samueli 4:1

Lino Isyibosyeti umwana umonsi wakwe Saulo uvwa ukuti Abineli yatiyamukoma umu Hebuloni, auvwa intete nga aina Izlaeli yonsi kwene iyaya umu cimvulunganya.

1 Yamwene 2:32

Yawe amavunuka Yoabu pa utazi wa katwe uno wene wacita, pamulandu wakuti wene wakomile antu yaili ku lupanga, ukwaula kuti tata Davidi amanye. Antu yayo yoili amulusile umu kucita ivisuma a Abineli umwana umonsi wakwe Neli nupya musika mukalamba uwa vita vya ina Izlaeli, na Amasa umwana wakwe Yeteli nupya musika mukalamba uwa vita vya ina Yuda.

1 Yamwene 2:5

“Akuno cili icintu nacuze kwene icisi cakwilila. Wiusye vino Yoabu umwana wakwe Zeluya wacisile kunondi, pakukoma yamusika akalamba ya vita vya ina Izlaeli, Abineli umwana umonsi wakwe Neli na Amasa umwana umonsi wakwe Yeteli. Wene wayakomile umu nsita ino kwali umutende apakucita icilanduzi pa mfwa zino yene yalenzile kuti zicitike mu nsita ino kwali inkondo. Wene wakomile antu yano yataali nu mulandu, nga nani nazwala umulandu pali vino wacisile nupya nkuculila mwenemo.

1 Milandu 27:21

Intunguluzi ya mutundu pakasi wakwe Manase mu Gileadi yali a Ido umwana umonsi wakwe Zakaliya. Intunguluzi ya aina Benjamini yali a Yaasieli umwana umonsi wakwe Abineli.

Mapinda 26:26

Nanti angezya ukufisa ulupato umukucenjeloka, lelo uyi wakwe uli nu kulolekela pa antu kwaula insita.

Yelemiya 41:2

Isumeli umwana wakwe Netaniya pamwi na antu yaya ikumi yano yali nawe yakatukila nu kukoma Gedaliya umwana wakwe Aiikamu umwizikulu wakwe Syafani, ku lupanga. Fwandi yakoma umuntu wilya wino umwene waku Babiloni walasike umu mpanga ilya.

Mpendwa 35:19

Kalandula wa wazi ali wino alinzile ukukoma umuntu uwakomile umuntu muze ku mufulo. Ndi wamukomenkanya sile ukumukoma.

Mpendwa 35:20

Ndi cakuti umuntu umwi uwazunya umuze wamukoma, ukumulandu nu lupato, nanti wamupola na cimwi nu kufwa wafwa,

Malango 27:24

“ ‘Katipwe kuli Leza wiyo wensi alakoma umuntu muze mu umfisolo.’ “Lyene antu yonsi yalalanda yati, ‘Kaciye vivyo kwene!’