2 Samueli 3:1 - Amazwi Yakwe Leza 2013

¹ Ulwi pakasi ka vita vyakwe Saulo ni vita vyakwe Davidi watwalilile pa nsita ntali. Lino Davidi watwalilila ku komeleka, amulwisyanga nayo iyatwalilila ukutonta.

2 Samueli 3:1 ပူးပေါင်းရင်းမြစ်များ

Utandiko 3:15

Nika uwanisi pakasi kako nu mwanaci, pakasi ka mwana wako nu mwana wakwe. Alakufwamfwanta ku mutwe, nga nawe ulamuluma ku cintunta.”

2 Samueli 2:17

Lyene kwakatwike inkondo ikakate. Abineli na ina Izlaeli iyayacimvya ku antu yakwe Davidi.

2 Samueli 2:28

Lyene Yoabu alizya intandala nga ivita vyonsi ivimilila, ivita ukuzinganya aina Izlaeli, nga nu ulwi iusila.

2 Samueli 22:44

Wemo wantuuzile ku antu yacisanguka nu kulenga kuti intwalilile ukuteeka inko, antu yano utamanyile ndakai nkayateeka.

2 Samueli 3:6

Lino ulwi watwalilila apakasi ka vita vyakwe Davidi nga ni vita ivyatontelile akazi kakwe Saulo, Abineli alunduluka ku kwata amaka pakasi kakwe yao alondelelanga Saulo.

2 Samueli 5:10

Amaka yakwe Davidi yavulilangako sile, pamulandu wakuti Yawe Leza Wamaka yonsi wali nawe.

1 Yamwene 14:30

Inkondo yatwalilile pakasi kakwe Leoboamu na Yeloboamu.

1 Yamwene 15:16

Kwali inkondo pakasi kakwe Asa na Baasya umwene waku Izlaeli mu manda yonsi autesi wao.

1 Yamwene 15:32

Kwali inkondo pakasi kakwe Asa umwene waku Yuda na Baasya umwene waku Izlaeli amanda yonsi ya umi wao.

1 Milandu 11:9

Cila nsita Davidi walundulukanga umu kukwata amaka, pano Yawe Wamaka yonsi wali nawe.

1 Milandu 3:1

Yaa ali ana aonsi yakwe Davidi yano yavilwe kunoli lino wali mu Hebuloni. Mu kuvyalwa yalondenkine ndi vii: Iyeli wali a Amunoni umwana umonsi wakwe Ainoamu uwaku Yezileele. Nga a Danieli wino nyina wali a Abigelo uwaku Kalimeli.

Esita 6:13

Atandika nu kunena umuci Zelesyi na yacuza yakwe yonsi, vyonsi ivyali vyamucitikila. Zelesyi umuci wakwe pamwi na yacuza yakwe yonsi amano iyamunena iyati, “Wemo watandika ukucimba kuli Modekai. Wene u Muyuda inkonko, nga wemo uli nu kumufilililwa sile. Wemo ale casila, wasenda iyatepa!”

Esita 9:4

Modekai wali umuntu umwi umucindame ukwisano alino nu kukula wakulilangako umu maka cakuti ululumbi lwakwe lwasusile lulimba impanga zya alasi monsi pyu.

Yobo 17:9

Antu akailola kwati alio yakacita vyaololoke, yene caluta! Lyene yaya akailola kwati akayele, nayo kwene yatiyacila sile mwenemo.

Yobo 8:7

Ivyuma vyako vyonsi vino vyononike, vitalatala vilingane navino ulakwata uku nkolelo.

Masamu 18:43

Wemo wankulula uku antu akandwisya, nu kuncita kateeka wa antu amu nko zyonsi. Antu yano ntatazile imanya ali yano yakantumikila.

Masamu 46:9

Wene akalesya inkondo pano nsi yonsi. Akakontola amalapwa, avunola masumo nu kusumbila visyangu apa moto mpaka ivipya!

Masamu 84:7

Amaka yao yakavulila kweneko iyasuka iyafika nuku Zioni ukukulolekela kuli Leza wakwe yaleza.

Galatiya 5:17

Pano vintu vino untunze witu ukalonda vyapusana na vino Mupasi Wamuzilo akalonda, nga ni vintu vino Mupasi Wamuzilo akalonda navyo vyapusana na vino untunze ukalonda. Vii vyoili vyaya pa wanisi na cii cikusenula ukuti mutangacita vino mukasi kucita.

Efeso 6:12

Pano tusyakulwisya antu sile lelo tukulwisya mawene, mauteko, na maka yamfinzi amuno nsi nga ni mipasi yankota iya mulwelele.

Umbwilo 6:2

Lyene ndola imfwalasi itiswe. Wino uwakwezilepo walemile ulapwa, nupya yamupile ingala ya wene. Wene wapisile wakwe kacimvya kuti akacimvye.