2 Samueli 24:21 - Amazwi Yakwe Leza 2013

²¹ Nga amuuzya ati, “Mwene wakwisaci, uzye pacani cino wizila kuno?” Davidi nawe aasuka ati, “Nizile kala ulwano lwako lwa kupuulila pakuti nkuulile Yawe kavuwa, kuti impungo ite.”

2 Samueli 24:21 ပူးပေါင်းရင်းမြစ်များ

Utandiko 50:10

Lino yafika pa lwano lwakupuulila ingano ku cifulo ca Atadi, ku ufumondaka wakwe Yodani yalosya nu kupoma cuze pa nsita itali kulingana nu lutambi. Pa manda cinimbali Yosefu ala akucita ntambi zya ndosya pa Atadi.

2 Samueli 24:18

Pa wanda ulya Gadi aya kuli Davidi nga amunena ati, “Tumbela uye ku lwano lwa kupuulila lwakwe Alauna umwina Yebusi ukakuulile Yawe kavuwa.”

2 Samueli 24:20

Lino Alauna walolekesya ukwisika, alola umwene na aomvi yakwe yakutumbela kunoli. Alino Alauna apona pansi afupime inkolelo yakwe Davidi.

2 Samueli 24:3

Lelo Yoabu aasuka umwene ati, “We mwene wakwisaci, si Yawe asandulule antu aina Izlaeli amaila umwanda ukuluta vino yaya. Nawe uye nu umi usuke ukailolele vino cili. Lelo pacani cino we mwene wakwisaci ukasi ukucita icintu cii?”

1 Milandu 21:22

Davidi amunena ati, “Nkazya ulwano lwako lwa kupuulila, pakuti nkuulile penepo Yawe kavuwa kuti impungo ii iyatiponela antu, isile. Unkazye apa mutengo waluko onsi.”

Masamu 106:30

Pineasi ali pakukatuka, wamala umulandu, ni mpungo yasila.

Mpendwa 25:8

nga alondelela umwina Izlaeli wiya mu nsakwe. Ayatota yoili kwene ukupuzinkanya isumo mu muze, umwina Izlaeli nu mwanaci wiya. Alino lyene ni mpungo ino walanga yapona pa ina Izlaeli isila nu kusila.