2 Samueli 24:17 - Amazwi Yakwe Leza 2013

¹⁷ Lino Davidi walola umungeli uwakomanga antu, anena Yawe ati, “Nene ndi nu mulandu, nupya nene natinifya. Uzye antu yaa apelelwe yacita cani? Ulinzile ukuvunuka nene sile pamwi na aluko lwane.”

2 Samueli 24:17 ပူးပေါင်းရင်းမြစ်များ

Utandiko 18:23

Alino Abulaamu apalamila kuli Yawe amuuzya ati, “Uzye cumi ulonona akacita vyawololoke kumwi na ankota?

Utandiko 44:33

“Musambazi, caleka ndakai leka mulumendo aswilile na yasilenzi, nene namasyala kuno wa muzya mu cifulo ca mulumendo.

2 Samueli 12:13

Davidi pali pakuvwanga ati, “Naifya kunuli we Yawe.” Natani nawe aasuka ati, “Yawe wakwelela. Utakufwa.

2 Samueli 24:10

Lelo pacisila lino Davidi wamala ukupenda antu, kampingu wakwe atandika ukucululuka, nga anena Yawe ati, “Natincita iifyo ilipisye apakucita icintu cii! Napapata unjelele. Nemo natincita icauwelewele.”

2 Samueli 7:8

“Ali cino, wemo fwandi pitanga ukanene umuomvi wane Davidi uti, ‘Nene ne Yawe Wamaka yonsi, anene nakufumizye kuku kuno wacemanga imfwele, nu kwiza kulasika uwene pa antu yane aina Izlaeli.

1 Yamwene 22:17

Mikaya nawe aasuka ati, “Nemo nkulola kuno aina Izlaeli yasalanganile mu myamba wa mfwele izisi nu mucemi. Alino Yawe walanda wati, ‘Antu yaa yatakweti intunguluzi foo. Acino cila muntu kaapita ulumi ukwakwe.’ ”

Yobo 42:6

Ali cino fwandi nawezya umuvwango wane onsi. Naiswela ulukungu ni itwi, apakulanga ndi vino lyene nazenzuka.”

Yobo 7:20

Nanti limwi ndi cakuti nakwifya sana, apo wewe uli kangalila wa anyepwe, icani cino ungansolola ukuya wa candamali cako? Uzye kwene nene ningaya wa cisendo icakukutitikizya?

Masamu 32:5

Ali vino nasuka nakulongwela amaifyo yane, ukwaula ukukufisa nanti lyonga. Navwanga nati, “Kanje kuli Yawe nkailongwele amaifyo yane,” nawe fwandi ali pa kunjela uluse uku viipe vyane vyonsi.

Masamu 44:11

Watuleka lyene yatukomola wa mfwele, lyene twatitusalanganila nu mu mpanga zyuze.

Masamu 74:1

We Leza, icani cino watutazyelela vii? Uzye kwene antu yako we mweneco, ali yano ungakwatila icipyu vii, lyonsi?

Masamu 78:71

nu kuwaka utwana twa mfwele. Wamucita umwene wa ina Izlaeli, ali pakuya kacema wa antu yakwe Leza.

Kufuma 10:16

Lyene Falao kwaula ukusumba insita atuma akuya ama Mose na Aaloni nga aiza ayanena ati, “Natinifya kuli Yawe Leza winu nga nakuli mwemwe kwene.

Ezaya 6:5

Nga alino nani ne Ezaya imvwanga inti, “Kalanda kunondi! Awe icumi ilelo lyene ali mpela yane! Pano kwene amazwi yonsi yano nkalanda yangaya aipe, nupya nikala na antu ya mazwi akanyengula umwenzo. Ilelo lyene casila nafwa, pano lyene nailolela na manso yane Yawe Wamaka yonsi.”

Yona 1:12

Yona nawe ayaasuka ati, “Nyemulini nga munsumbile muli yemba. Lyene yemba amalala aye mya. Manyile ukuti nene natindenga kuti muye mu ntanzi ya cipupu cii cikulu.”

Zakaliya 13:7

Yawe Wamaka yonsi wavwanga wati, “Ale we lupanga lwane, zanza kacema wane, zanza umuntu akambombela. Ukome kacema pakuti imfwele zisalangane. Nani namazanzapo utwana twa mfwele.”

Mpendwa 16:22

Lelo Mose na Aaloni yafukama pansi yafupime nga yapunda yati, “Iye we Leza, wewe uli ntendekelo ya umi. Uzye ungasokela iuvi lyonsi lino umuntu wenga umwi uvi wifya?”