2 Samueli 24:13 - Amazwi Yakwe Leza 2013

¹³ Gadi aya kuli Davidi, amunena amazwi yakwe Yawe, nga amuuzya ati, “Uzye icili kwi cino watusolola, pa vintu vitatu? Umu mpanga yako muye icipowe pa myaka itatu, nanti mwautuka anisi inu pa myezi itatu, nanti umu mpanga yako mupone impungo pa manda yatatu? Lyene elenganya ningo we mwene kuti ungasuke ivyakuyanena Yawe.”

2 Samueli 24:13 ပူးပေါင်းရင်းမြစ်များ

2 Samueli 21:1

Lino Davidi wateekanga, kwali icipowe icikulu icasenzile imyaka itatu iyalondekine. Acino Davidi auzya Yawe kuti amupanzye amano pali cii, nga nawe amwaasuka ati, “Saulo na aluko lwakwe yali nu mulandu wa utazi wa katwe. Wene wakoma aina Gibyoni.”

2 Samueli 24:12

“Pita kanene Davidi uti, ‘Yawe wavwanga wati, Nakupeela ivintu vitatu kuti usolole penepo conga. Nani indacita cico cino wemo umasolola.’ ” Uwanda uwalondelela, pacisila lino Davidi wazyuka,

2 Yamwene 8:1

Elisya walanga wanena umwanaci uwikalanga mu musumba uwamwangwa Syunemu, umwanaci wiya wino Elisya watutulwile umwana wakwe umonsi, ati, “Katuka wapita, wewe pamwi na ang'anda yako, mufume muno nga muye uku kwikala kuze, pamulandu wakuti Yawe alaponya icipowe mu mpanga ii. Icipowe cico cilamala imyaka cinimbali.”

1 Milandu 21:12

kukaye imyaka itatu ya cipowe, nanti imyezi itatu ya kupuuka ivita vya anisi inu, nanti amanda yatatu akufululwa ku lupanga lwakwe Yawe ni mpungo ino alaponya umu mpanga inu, nu kutuma umungeli wakwe kuti alete imfwa konsi umu Izlaeli.’ ”

Masamu 91:6

Nanti cimwi icinkunka icingiza usiku nanti uononyi uuli onsi ungiza umusanya.

Kufuma 7:25

Ipapita amanda cinimbali ukufuma pano Yawe wasenwile amanzi amu Luzi lwa Nailo yaya uwazi.

Ezekelo 14:13

“We mwana wa muntu, aikala mpanga ndi yifya kunondi apakuntaya acumi kunondi, lyene ndaomvya amaka yane nu kuyavunuka apa kucefya ivyakulya. Ndaponyezya impanga iyo icipowe nu kukoma antu kumwi ni nyama kwene.

Aina Levi 26:20

Kuombesya kwinu konsi kutalamutumbwila nanti cimwi, pamulandu wakuti impanga inu italamezya ivilimwa nga ni miti nayo italaseeka viseekwa.

Aina Levi 26:25

Ndalenga inkondo ukuya panomuli pa kumuvunuka pamulandu wa kutama upangano witu. Nupya ndi mwakongana mu misumba inu ku kuzina, indi nu kulenga indwala izisipoziwa kupona munomuli. Lyene muli nu kupatikiziwa ukucimba ku anisi inu.

Luka 4:25

“Kutikini kunondi, icacumi nkumunena ukuti kwali yamukamfwilwa aingi mu Izlaeli pa nsita yakwe Eliya, lino kwali cilala pa myaka itatu na citika. Lyene cipowe cikulu cuze caponyile mu mpanga yonsi.

Malango 28:22

Yawe alamuponyezya indwala izikaambukila, ni mvimba ni nzakaza, ni cilala ni miza ikaye kuti yonone ivyakulya vinu. Ivilumbelo vii vilasyala pano muli mpaka mukafwe.

Malango 28:25

“Yawe alapeela amaka ku anisi inu akuti yamucimvye. Mulaezya kuyazanza ukutunkila pa ntunga yonga, lelo muluutuka ukufuma kunoyali mulungame ku ntunga zyonsi, cakuti antu yonsi pano nsi yalazakaza ku ntete lino yalalola icacitika kunomuli.

Malango 28:27

Yawe alamuponyezya ivipute wakwe vino waponyizye pa ina Eguputo. Alalenga ni mili inu kupuuka ivilonda. Mulakwata impele izilamusanga wakwe cimwi, lelo kutalaya icakumupozya.

Malango 28:35

Yawe alalenga kuti ivilonda vipuuke konsi ku makulu inu, vinakasambo ivitalatala vipole, alino ni vipute ukutandikila sile ku tuntunta mpaka nu ku mitwe inu.

Malango 28:52

Yene yalazanza imisumba yonsi iyaya mu mpanga ino Yawe Leza winu akumupeela, nupya na malinga kwene atali yano mwataila yalaongoloka.

1 Samueli 25:17

Acino fwandi elenganya sile ningo, ulole cino ungacita penepo, pamulandu wakuti uzanzo wasya uponele umusambazi witu pamwi na ang'anda yakwe. Nabali wene uwalwiswa nupya asipindululwa cakuti citangazipa ukulandana nawe!”