2 Samueli 23:5 - Amazwi Yakwe Leza 2013

⁵ Avino Leza wane alapolelela amu mupanda wane, pamulandu wakuti wene watacita upangano uwa manda pe nani uno utalavunwa ulayo uno utalasenulwa. Icili cintu cino nkulonda. Cico cilaya ucimvyo wane, icumi kwene Leza alafikilizya cico.

2 Samueli 23:5 ပူးပေါင်းရင်းမြစ်များ

Utandiko 9:16

Lyonsi lino mulalamfuti waloleka mu makumbi ndaulola nu kwiusya upangano wa manda pe uli pakasi kakwe nene ni viumbwa vyaumi vyonsi vyamu nsi.

2 Samueli 12:10

Lyene muli cila mukulo yamwi amu mupanda wako yalafwa imfwa iipisye, pamulandu wakuti wemo wakana ukunjela nga watwala nu muci wakwe Uliya umwina Hiti.

2 Samueli 13:14

Lelo Amunoni wene wakanyile ukuvwa vyonsi vivyo. Pamulandu wakuti walusizye Tamala amaka, amulema ku kupatikizya acita na vino walondanga.

2 Samueli 13:28

nga apeela ilamulo ku yaomvi yakwe ati, “Uvwini kuno! Mulolekesye lino Amunoni amakoleka waini, nga nani ndi niza napeela ilamulo nati, ‘Mukomini Amunoni,’ mwemo ukumukoma. Mutuvwa intete, foo. Uwo umulandu wane nene. Mwemo musipe sile.”

2 Samueli 18:14

Yoabu avwanga ati, “Ntakutala insumbe insita nayuze pamwi nawe.” Acino atoola amasumo yatatu nga aya atota yonsi mu cisao cakwe Abusalomu lino acili nu umi, akunyinyinda ku muti umu oki.

2 Samueli 7:12

Ndi cakuti wafwa, yakuzika ukwalala ivikolwe vyako, indasonta umwana wako wenga pali yano waivyalila nu kumucita umwene. Nu wene wakwe ndaukomya sana.

2 Samueli 7:18

Lyene umwene Davidi aingila mwi Taalu lya Ukongano, nga aya aikala pansi atandika ukupepa kuli Yawe ati, “We Yawe Simwandalali, uzye nene weni pamwi na akazi kane, pa kunsunga ukufika na pano mpezile?

1 Yamwene 1:5

Lyene Adoniya, wino nyina wali a Hagiti, aiza inkolelo nga avwanga ati, “Nene ndaya umwene.” Acino ateyanya amaceleta ni mfwalasi kumwi na antu amakumi yasano akusimula inkolelo yakwe, iyamukolelela.

1 Yamwene 11:38

Ndi cakuti umayelanga vyonsi vino nkukupeela ilamulo, nu kupita umu nzila zyane, nu kucita vino nemo nkalonda, apa kusunga ivyeo na malamulo yane wakwe vino Davidi umuomvi wane wacitanga, lyene alino namayanga nawe insita yonsi. Alino ndakulasika pa wene wa Izlaeli, nupya ndaleka kuti aizikulu yako yateeka wakwe vino nacitile Davidi.

1 Yamwene 12:14

nu kulondela umpandamano wa alumendo nga avwanga ati, “Tata wamutwikanga ivisendo vinyome. Nemo ndavinyomya ukucila penepo. Tata wamunyambolanga ni mikota. Lelo nemo ndamunyambola na yaswepu.”

Masamu 111:9

Umwene wapususya antu yakwe, wapangana nayo upangano wakuyelelela. Icacumi, uwamuzilo nupya uwa maka!

Masamu 119:81

Umi wane wati uongoka apakulonda ukuluzi wako, lelo nemo nkapaalila umu ulayo wako.

Masamu 27:4

Nalenga icintu conga kuli Yawe cico sile cino nkalonda icakuti ningaikala, umu Ng'anda yakwe Yawe, amanda sile yonsi aumi wane, nu kulasyukila usuma wakwe Yawe, alino nu kuleka aliwe sile ampanda amano umu Ng'anda yakwe.

Masamu 62:2

Wenga sile, aliwe akampokolola, nupya ali cilwala wane nu ufyusi wane. Ali muno nkazina, fwandi nemo, ntalatala intelengane.

Masamu 89:3

Wemo wavwanzile uti, “Napangana upangano nu musololwe wane, nalapa uku muomvi wane Davidi inti,

Ezaya 11:1

Ululembelya lulatumba apa cisiki cakwe Yese, na pamisisi yakwe palamela umusambo.

Ezaya 27:6

Mu wanda ulya aina Izlaeli ana yakwe Yakobo yace yazyansye wa misisi ya miti. Yene yalakula ningo, yalawalula nu kulemba ningo. Insi yonsi ilalimba iviseekwa vya micitile yao isuma.

Ezaya 4:2

Mu wanda ulya umusambo wakwe Yawe ulalemba, ulacindama nu kulumbanyiziwa. Iviseekwa vya mpanga navyo vilacindama. Vyene vilasansamusya antu apusuka amu Izlaeli.

Ezaya 54:10

Pano imyamba ingasunkana nu twamba tungatenta, lelo icitemwiko cino nakukwatila citalatala cifume kunuli. Nanti sile upangano walongo uno napangana nawe utalatala utelengane foo.” Yayo ali mazwi yano ne Yawe nkukutezela.

Ezaya 55:3

Teini amatwi mwize kunondi, munguvwe pakuti imyenzo inu isyukile uumi. Namapangana namwe upangano wa pee, uwaluse uno nalavile Davidi.

Ezaya 61:8

Yawe wavwanga wati, “Nemo natemwa ulungami, lelo nasoka wakwe cimwi uwivi nu lufyengo. Nemo namalambula ningo sana antu yane nupya namapangana nayo upangano wa pee.

Ezaya 7:14

Lyene Yawe umwisikulu amakulangizya icimanyililo conga. Akunoli umukazyana umwi, wiyo anyomelile. Aliwe alavyala umwana umonsi wino yalatemela izina lyakwe Imanueli.

Yelemiya 32:40

Ndapangana nayo upangano wa pee uwakuti ntalatala inte ukuyacitila ivizipe, ndiika ni coopo ca koopa umu myenzo yao, apakuti yatakantaluke nupya.

Yelemiya 33:21

icili conga kwene ndi vino nemo cakana ukuti ningonona upangano wane uku muomvi wane Davidi, icakuti pataya umwana wakwe wenga uwaku pyana apa cilimba ca wene wakwe. Ali vino cakanilila kunondi icakuti ntange mpiliule upangano wane na yasimapepo aina Levi, apakuti yataombela nene.

Ezekelo 37:26

Umuomvi wane Davidi ali wino alayateeka pee na pee. Ndapangana nayo upangano uwakuti yace yasininkizya ndi vino yalaikala amanda pe umu longo. Ndayasandulula pakuti yace yakaye nyanya, nupya nemo ndasonta ni ncende yonga iya kumpepelapo umu mpanga yao, nu kuyelelela ali muno ice iyelele pee.

Amosi 9:11

Yawe akuti, “Mu wanda ulya ndawezezyapo uwene wakwe Davidi, uno ukoline wa citalang'anda, nu kuzifya iviumba vyakweo, mpaka uye vino wali. Ndaukuululula nu kuuwezezya mu mwata uno wayelile mwenemo.

Milimo 13:34

Na vii avino Leza wavwanzile pa kulenga kuti azyukuke kufuma ku afwe, kuti atakaole, ati, ‘Ndakupeela upolelelo wamuzilo uwa mpomvu uno nalavile kuli Davidi.’

Ayebulai 13:20

Leza uwazyukwile Yesu Mwene witu kufuma ku mfwa. Yesu ali Mucemi Mukulu uwa mfwele pano imfwa ino wafwile pa kuipeela impolelwa ili ino wapangamo upangano namwe, wa manda pe.

Ayebulai 6:19

Twakwata upaalilo uu uno ukoline wa nanga pa kutungilila umi witu. Wene wasungwa ningo nupya uwa cumi, nupya ukapuzya mu nsalu yakucingilikizya mu Ng'anda ikulu yakwe Leza mwiyulu, wingila mukasi mu ncende yamuzilo.

1 Samueli 2:35

Ndailondela nenga simapepo uwampomvu wino alaomba vyonsi vino nkulonda. Indamupeela ana, yano yalaatumikila lyonsi pa manso yakwe kateeka wino nasolola.

1 Samueli 25:28

Napapata unjelele ne muomvi wako pamulandu uli onsi uno nakutala. Pasi pano Yawe nawe alakulasika utesi uwa manda pe, pamulandu wakuti ukulwilila Yawe inkondo zyakwe. Nupya kusi icilumbelo nanti cimwi icilakuponela lino ucili umumi.