2 Samueli 23:21 - Amazwi Yakwe Leza 2013

²¹ Wakomile nu mwina Eguputo, uwali ilamba ilyali ni sumo mu minwe. Lelo wene ala ali sile ni ntuwa mu minwe. Benaya aya amulwisya amupokolola ni sumo, alino amukomela kweneko.

2 Samueli 23:21 ပူးပေါင်းရင်းမြစ်များ

2 Samueli 23:20

Benaya umwana umonsi wakwe Yeoyada wali icita iciposye, nupya wafumile ku Kabizeele. Wene wacisile ivintu vya maka. Wakomile antu yaili, inkonkotela zya vita vyaku Moabu. Na pa wanda umwi lino kwatonyanga ivintu vimwi ivitiswe wa mula, wene waile aingila umu ciwina cali pipi ni cifula ca manzi, akoma cisama.

2 Samueli 23:22

Vii ivili vintu vyamaka vino Benaya umwana umonsi wakwe Yeoyada wacisile, alumbuka pa antu amakumi yatatu yalya amaka.

1 Milandu 11:23

Nupya wakomile umwina Eguputo, icilipaka ca monsi cituuluke. Umu utali cali ukuluta pali yamita yaili. Nupya caipangisye ni sumo ilitali ilikoline wa mulongoti wakwe kapikula. Benaya wene wacilungime sile ni ntuwa, afika acisompola isumo, alino awela acitota nalyo nga icifwa nu kufwa.

Kolose 2:15

Pa lupanda apano Klistu wacimvizye mipasi yankota na maka onsi. Wene walenzile kuti yonsi yalole vino wazevizye ucimvyo nu kuleka kuti yene yaye wa azya kunoli.

1 Samueli 17:51

Davidi asimwilila kunoli, amutangalila. Alino asomola ulupanga lwakwe Golyati umu cituwo caluko, nga aputula umutwe wakwe pacisila ca kumukoma. Lino aina Filisti yalola ukuti icipombolo cao yakwecoma, yene iyasenuka iyutuka.