2 Samueli 23:14 - Amazwi Yakwe Leza 2013

¹⁴ Pa nsita ilya Davidi wali mu musumba wi linga, nga na kamba ka ina Filisti kali ku Betelemu.

2 Samueli 23:14 ပူးပေါင်းရင်းမြစ်များ

Utandiko 35:19

Lyene Lakeli afwa, nga yamuzika mumbali ya museo uwaku Efulata (kuli kuti, Betelemu).

2 Samueli 5:17

Lino aina Filisti yuvwa ukuti Davidi iyamupaka amafuta nu kumulasika uwene wa Izlaeli, iyafuma ni vita vyamaka, iyaya ku kumulondalonda, lelo Davidi auvwa pali cii nga atentemukila ku musumba wi linga ku kuzina.

1 Milandu 12:16

Uwanda umwi antu yamwi amu mutundu wakwe Benjamini nu mutundu wakwe Yuda yiza ukwi cele ukwali Davidi.

1 Samueli 10:5

“Pacisila cakwe vivyo umaya ukaluleme nu kuya ku Gibeya, umwamba wakwe Leza kuko kuno kuli nkambi ya ina Filisti. Lino umaya ukapalame ku musumba, waya komenkanya akaliumba kakwe yakasema yano yakuweluluka ukufuma ku kavuwa pa mwamba. Lilyo ale yakulizya yabanjo, tungoma, imitolilo nga na yababatoni, alino nu kusema ale yakusema.

1 Samueli 13:23

Aina Filisti yatumile impuka yonga iya vita ku cifoloma cifyenkane icaku Mikimasyi kuti yakaalonda kweneko.

1 Samueli 13:4

Aina Izlaeli yonsi iyanenwa ukuti Saulo watacimvya inkambi ya ina Filisti, nu kuti aina Izlaeli lyene iyapatikwa wakwe cimwi ku ina Filisti. Acino antu iyazumila ulwamo ulwakuya ku Giligali pamwi na Saulo.

1 Samueli 14:6

Yonatani anena umusenda mpamba wakwe ati, “Iza, tulambuke tuye ku nkambi iya viyantu vivi vino vitasilamulwa. Limwi Yawe angatwazwa. Pano kwene kutaya nanti cimwi icingalesya Yawe ukutupeela amaka ya kucimvya, ciye tuvule nanti tucepe.”

1 Samueli 22:1

Davidi afuma ku Gati nga apuukila kwi cele lyaku Adulamu. Lino aina yonsi pamwi na ang'anda yakwe yuvwa pali cii, iyatentemukila kunoli kuku kwene.

1 Samueli 24:22

Davidi nawe alaya ukuti ali nu kucita vivyo kwene. Lyene Saulo aswilila ukwakwe nga Davidi na antu yakwe iyaswilila ku ncende ino yafisimemo.