2 Samueli 23:10 - Amazwi Yakwe Leza 2013

¹⁰ Lelo wene azyansya nga alwisya aina Filisti mpaka ikasa lyakwe ilitonta nga ilikoma ilifumbatisya ulupanga cakuti lutangapona. Uwanda uwa Yawe acimvya apakalamba. Ivita pali pakuswilila ukwali Eleaza, lelo ku kutoola ivyanzo vyonsi pyu ku afwe.

2 Samueli 23:10 ပူးပေါင်းရင်းမြစ်များ

2 Samueli 23:12

lelo Syama azyansya umu calo cici, acicingilila, nga akoma aina Filisti. Uwanda ulya Yawe acimvya apakalamba.

2 Yamwene 5:1

Lyene Naamani wali a musika mukalamba uwa vita vya ina Asilya. Wene wali umuntu umwi uwacindikwe sana nu mwene wa ina Asilya, pamulandu wakuti kupitila munoli Yawe wapile ucimvyo ku ina Asilya. Wene wali umusilika umukalambane sana, lelo wakweti tembwe.

1 Milandu 11:13

Wene wazwilizye Davidi ukulwisya aina Filisti ku ulwi waku Pasi Damimu. Wali mu calo ca mbezu zyakwe baale apa nsita ino aina Izlaeli yatandike ukuutuka.

Masamu 108:13

We Leza, ndi cakuti waya ukulusansa lwitu tumacimvya. Awewe umalovya nu kulyatilila anisi itu.

Masamu 144:10

Awewe ukalenga ukuti yamwene yacimvye, nu kukulula umomvi wako Davidi.

Masamu 68:12

“Ala yamwene ni vita vyao yatiyapuuka!” Yamangu asiile umu misumba ali yano yankanyanga ivisampwe.

Ezaya 53:12

Ali mulandu kwene uno nani ndamuteka pamwi apa cindame, apakasi ka yacindami nupya a maka. Pano umweneco kwene uwayazumilizye ukuti yangamukoma nu kuti yamucitile icili conga ni ntalanganyi. Fwandi aliwe wasungutile pali yakaifya avule apakuyapapatilako apa kwifya kwao.

Loma 15:18

Ndapama nu kulanda sile pali vino Mwene Yesu Klistu wacita kupitila munondi pa kutungulula Akulukuwa mu kuyela Leza. Wene wacita cii mu mazwi nga nu mu micitile,

2 Kolinto 4:5

Kukosola kwitu kusi kwa pali sweswe, lelo tukakosola Ilandwe ukuti Klistu u Mwene. Naswe sweswe yaomvi inu sile pamulandu wakwe Klistu Yesu.

Yoswa 10:10

Yawe nawe ayalenga ukupamviwa nu kuzakantika pa manso ya ina Izlaeli, yao ayacimvizye apa kuyakomola cipezya amano ku Gibyoni. Aina Izlaeli nayo iyayacocovya mu museo uwaya ku Beti Holoni nga iyayakomola nzila yonsi ukufika ku Azeka nu ku Makeda.

Yoswa 10:42

Yoswa wacimvizye yamwene yaa yonsi ni mpanga yao pa nsita ili yonga, pamulandu wakuti Yawe, Leza wa ina Izlaeli walwisizyanga aina Izlaeli.

Yoswa 11:8

nga Yawe nawe ayapeela mu makasa ya ina Izlaeli. Iyayacimvya nu kuyacocovya nzila yonsi ukufika ku Sidoni Mukulu, nu ku Misilefoti Maimu, nga nu ku Cifoloma ca Mizipa lwaku ufumondaka, suka iyalovya yonsi pyu.

Yakapingula 15:14

Lino Samusoni wafika ku Leii, aina Filisti iyamukomenkanya yala yakupunda ucimvyo. Lelo Umupasi wakwe Yawe iwikila panoli iumupela amaka, nga atankola imyando ino yamunyefile ku makasa wa usavu uwapya ku moto, nga ilukuta ku makasa yakwe.

Yakapingula 15:18

Lyene Samusoni auvwa ulusala wakwe cimwi, nga alaizya kuli Yawe ati, “Watupela umuzya wako ucimvyo uu ukulu. Uzye lyene imfwe ku lusala nu kupelwa mu makasa ya antu atasilamulwa?”

1 Samueli 11:13

Lelo Saulo aasuka ati, “Kusi nanti wenga angakomwa umu wanda wilelo, pano apilelo Yawe watakulula aina Izlaeli.”

1 Samueli 14:23

Uwanda ulya Yawe watuuzile aina Izlaeli, nga ulwi nao watantalile ukupuzya nu ku Beti Aveni.

1 Samueli 14:6

Yonatani anena umusenda mpamba wakwe ati, “Iza, tulambuke tuye ku nkambi iya viyantu vivi vino vitasilamulwa. Limwi Yawe angatwazwa. Pano kwene kutaya nanti cimwi icingalesya Yawe ukutupeela amaka ya kucimvya, ciye tuvule nanti tucepe.”

1 Samueli 17:53

Lino aina Izlaeli yaweluluka ku kusimuzya aina Filisti, iyasampa ivyali umu nkambi zyao.

1 Samueli 19:5

Nupya wene atali ni ntete zya kufwa lino wakomile umwina Filisti. Yawe wacimvizizye aina Izlaeli, nawe waciweni nga uzanga. Uzye lyene pacani cino ungafyengela umuntu asi nu mulandu, apakulonda ukukoma Davidi apaula umulandu?”