2 Samueli 22:9 - Amazwi Yakwe Leza 2013

⁹ Icunsi icifutumuka ukufuma mu mpuno zyakwe, icimbilimbili ca ononyi na makala ati yaloka ivifumfumuka ukufuma mu mulomo wakwe.

2 Samueli 22:9 ပူးပေါင်းရင်းမြစ်များ

2 Samueli 22:13

Amakala yatiyaloka iyatumuka ukufuma ku nkuwa ikumyantula ku nkolelo yakwe.

2 Samueli 22:16

Apansi pali yemba ipaloleka, nu mufula wa nsi wasime pa nsita ino Yawe wakalipila anisi yakwe nu kuyazotokela umu ukali.

Yobo 4:9

Uku mupu wakwe Leza yene yakalowa, alino nu ku ukali wakwe yalononekela.

Masamu 18:15

Apansi yakwe yemba paloleka, ni mifula ya nsi nayo yasyala apambiliwili, lilyo lino Yawe wavwanga ivyakoofya, wafumya nu mupu mu mpuno zyakwe.

Masamu 18:8

Umu mpuno zyakwe imwasuka ni cunsi, mukanwa kakwe namo imufuma icimbilimbili ca moto, icikaisye icinyesula nu munyeswa.

Kufuma 19:18

Mwamba wa Sinai onsi ala watiuvimbwa ni cunsi pamulandu wakuti Yawe ala wataika pansi mu moto pa mwamba papela. Icunsi ciya umwiyulu wa cunsi cino cikafuma mwi lungu, nu mwamba onsi iutenta na maka.

Kufuma 24:17

Ku ina Izlaeli uluswepo lwakwe Yawe iluloleka wa cimbilimbili ca moto icikwaka papela ya mwamba.

Ezaya 30:27

Nupya Ezaya avwanga ati, “Mwalola amaka yakwe Leza nu ucindami wakwe! Avivyo vikuloleka akatalamukila! Umoto ni cunsi ali vino vikulanga ukali wakwe. Lino amavwanganga, amazwi yakwe yamalunkumanga sile wa moto.

Ezaya 30:33

Ala ampiti sana lino yateyinye icilinkwa ca moto umwakocela umwene wa ina Asilya. Ciwina icizike nupya icikulu, muno inkwi zyazulamo tupu, Yawe umweneco aliwe amaiza auvwiile nu mupu wakwe nu moto wize utumuke kwati amaluti akupya.”

Yelemiya 15:14

Ndaleka kuti yaye azya ya anisi yao mu mpanga ino yatamanya, pamulandu wakuti ukali wane ukoline wa moto, nupya ulafuluma amanda pe.”

Yelemiya 5:14

Acino Yawe avwanga kunondi ati, “We Yelemiya, pamulandu wakuti antu yaa yatiyavwanga ivintu vyamusango ndi uu, nemo ndaleka amazwi yane yaye wa moto umu tunwa twao. Nupya antu yaa yalaya wa nkwi, nga nu moto ulayoca mpaka yalokote.”

Habakuku 3:5

Wene akatuma impungo ya ndwala apa nkolelo yakwe nu kupeela ilamulo ku mfwa kuti ilondele apacisila cakwe.

Malango 32:22

Ukali wane ulalunkuma wa moto nu koca akali konsi akaya pano nsi. Wene ulafika na pisina lya nsi nu koca imisisi ya myamba.

Ayebulai 12:29

Tulinzile kucita cii, pano cumi kwene Leza umoto uno ukaonona.