2 Samueli 22:36 - Amazwi Yakwe Leza 2013

³⁶ We Yawe ukancingilila nu kuntuula. Nacindama pano ukangazwa.

2 Samueli 22:36 ပူးပေါင်းရင်းမြစ်များ

Utandiko 12:2

Ndakupeela ana avule, nga amu mupanda wako yalavula yaye umutundu ukalamba cuze. Indi nu kukupolelela muli vyonsi nu kulenga kuti ulumbuke, na kuti nce mpolelele antu yauze mu musango uli onga.

Utandiko 15:1

Pacisila ca vintu vii Yawe aloleka kuli Abulamu mu cilolwa, nga amunena ati, “Utuvwa intete, Abulamu, kunuli indi wa cisyangu cakukucinga. Ndakupeela uwila ukulu cuze.”

Utandiko 22:17

Nalaya ukuti ndakupeela ana avule cuze, nu kuvula kwao kulaya wa ntanda zya mwiyulu, nanti wa musensenga uwamu nkumba yakwe yemba. Ana yako yalacimvya anisi yao.

Masamu 115:14

Yawe angala amupeelesya ikwata, mwemwe kwene kumwi na ana kuvyalwa inu.

Masamu 18:35

Wemo wampeela ni cisyangu ica kumpususya. Ikasa lyako, ilyakwe ndilo lyancindamika, na amaka yako yambwaka.

Masamu 84:11

Pano wemo we Yawe Leza, awewe tukazina mwenemo nupya wewe uli kavwangila witu. Watukwatila inkumbu nu kucindamika, ukatucindamika. We Yawe, usitwima ivisuma sweswe swe antu yako, swe ya miyele isuma.

Efeso 6:16

Lekini utailo winu uye wa cisyangu, mwakusiika mivwi yamoto kufuma ku Mwipe wilya.

Efeso 6:17

Pokelelini ufyusi, uye wa ngowani, nga na mazwi yakwe Leza yano Mupasi Wamuzilo akamupeela, nayo yaye wa lupanga.