2 Samueli 22:31 - Amazwi Yakwe Leza 2013

³¹ Si lolini vino ivicitwa vyakwe Leza wii vyafumaluka, na vino amazwi yakwe akutailwa! Wene akoline wa cisyangu, kuli yao yonsi akalonda ukucingililwa na aliwe.

2 Samueli 22:31 ပူးပေါင်းရင်းမြစ်များ

2 Samueli 22:3

Leza wane ali ucingililo wane, nga kusi icinganzanza lino indi nawe. Wene akancingilila wa cisyangu. Wene akampokolola nu kunsunga ningo. Wene akatuula wane, akancingilila nu kuntuula ku antu yalwete.

Neemiya 9:8

Wazanyile ukuti umwenzo wakwe uwakutontelela. Fwandi ali pakupangana nawe upangano wa kumupeela impanga yaku Kenani, impanga ya ina Hiti ni ya ina Amoli, ya aina Pelizi, ya ina Yebusi nga ni ya ina Giligasi, apakuti ingaya impanga yakwe ni ya luko lwakwe. Wemo ukawaka upangano wako, pano wewe wacumi.

Yobo 34:10

“Ali cino fwandi muvwile navwanga ukuti mwe antu ya malango kutikini ningo. Pasi pano Leza asicita icintu iciipe, awe. Wamaka yonsi asifyenga umuntu foo.

Masamu 119:140

Amalayo yako acumi, silola vino ne muomvi wako nayatemwa.

Masamu 12:6

Amazwi yakwe Yawe acumi. Yaya wakwe siluva umuzifiwe, wino yafumya umu kumwengulula umwi lungu amaila cinimbali.

Masamu 145:17

Yawe umulungami umu nzila zyakwe zyonsi nupya uwa luse umu vicitwa vyakwe vyonsi.

Masamu 18:30

Inzila zyakwe Leza witu izifumaluke, mu mazwi yakwe Yawe mutaya ulema. Wene ali cisyangu icikacingilila yonsi akazina munoli.

Masamu 2:7

Caleka umwene wiyo akuti, “Nkuma imbila ino Yawe wanenyile, ati, ‘Wewe uli mwana wane umonsi, Nani ilelo nayaso.

Masamu 35:2

Wize ni cisyangu nga ni vyanzo kuti wize ungazwe.

Masamu 84:9

Lolekesya apa mwene witu, akatuvwangila kweneko, polelela umwene wa mpanga itu, wino wasolola we mweneco ukuti atuteeka.

Masamu 91:4

Amakuvimbanga na mapa yakwe, nu kuwa amuno umauwanga, ni cisinka cakwe, ni cumi cakwe, acino umasolelanga nu kuicingilila kweneko.

Mapinda 30:5

Amazwi yonsi yakwe Leza acumi. Wene ali cisyangu, cakucingilila yao akuzina munoli.

Kasambilizya 3:14

Namanya ukuti vyonsi vino Leza akacita viikalilila amanda pe. Kusi nanti umuntu umwi angungilizya cimwi pa vintu vivyo. Cino Leza wavicisile apakuti swe antu twamoopa.

Danieli 4:34

“Lino imyaka cinimbali yapita, ne Nebukadineza ntumpula manso umwiyulu, nga amano yane yawela. Alino nani ndumbanya Leza Wapapelapela. Impeela umucinzi nu lulumbi kuli wiyo uwaumi pee na pee. “Wene amateekanga umuyayaya, nu wene wakwe ulikalilila amanda pe.

Danieli 4:37

“Lyene, ne Nebukadineza, nkulumbanya nu kucindika nu kupeela ululumbi ku Mwene wa mwiyulu, pamulandu wakuti vyonsi vino wene akacita ivisuma nupya ivya ulungi. Nupya wene angacefya yayo acilumba.”

Mateo 5:48

Caleka mwemo muye afumaluke ndi vino So uwa mwiyulu waya umufumaluke.

Malango 32:4

“Yawe ali kacingilila winu uwamaka, ivicitwa vyakwe vyaya ivifumaluke nupya visi vyalufyengo. Leza winu uwakutailwa nupya uwacumi wene akacita sile ivilungame ivisi vyakutitikizya.

Umbwilo 15:3

nupya ala yakwimba lwimbo lwakwe Mose, muomvi wakwe, nga nu lwimbo lwa Mwana wa Mfwele, yati, “We Mwene Leza wa maka yonsi, milimo yako iikulu, nupya iyakuzunguka! We kateeka wa nko zyonsi, miyele yako iya ololoke nupya iya cumi!