2 Samueli 22:25 - Amazwi Yakwe Leza 2013

²⁵ Acino wene akandambula pamulandu wakuti nkacita ivisuma. Nupya amanyile ukuti nene wakaele.

2 Samueli 22:25 ပူးပေါင်းရင်းမြစ်များ

2 Samueli 22:21

Yawe akandambula pano nkacita ivisuma. Wene akampolelela pano nene wakaele.

1 Yamwene 3:6

Solomoni aasuka ati, “We Yawe wakwatile tata nupya umuomvi wako Davidi uluse ulukulu, pamulandu wakuti wene wacitanga ivisuma pa manso yako nupya kacita wa vyawololoke nupya uwacisinka. Nupya watutwalilila ukumulanga uluse lwako ulukulu nu kumupeela umwana umonsi kuti aikale pa cilimba cakwe ica wene apilelo.

Mapinda 11:31

Ndi cakuti antu akacita vyaololoke yakapokelela icilambu cao pano nsi, lyene antu alukang'ansi na aipe kwene yonsi yalavunukwa.

Mapinda 5:21

Yawe akaceceta imipitile ya muntu cila nsita, ni nzila zyakwe akazilolekesyapo zyonsi pyu.

Ezaya 3:10

Antu akacita ivyaololoke yene cilayazipila. Yalailyokezya ivizao vya milimo yao.

2 Kolinto 5:10

Pano swensi kwene tulimilila nkolelo yakwe Klistu, kuti atupingule. Cila muntu alapokelela viine ni milimo ino wacita muno nsi, iipe nanti isuma.

1 Samueli 26:23

Yawe akalambula cila muntu wino akacita ivya wololoke nupya uwacumi. Wemo ilelo kwene Yawe alile watakumpalamikila. Lelo nemo ntali nkulonda ku kukoma, wewe wemuno Yawe umwisikulu wasolola ukuya umwene.