2 Samueli 22:20 - Amazwi Yakwe Leza 2013

²⁰ Wene wangazwilizye amfuntusya ku uzanzo. Wantuuzile pano wazangile munondi.

2 Samueli 22:20 ပူးပေါင်းရင်းမြစ်များ

Utandiko 26:22

Asuka Isaki afumako aya kuze, nako aya aimba cifula. Kwene kutali kulemanila pa cifula cico. Caleka acitemela izina ati Leoboti, ala akuti, “Ndakai Yawe watatupela incende apavungulwike pa kwikala, nga na antu itu yalasanduluka mu mpanga kwene ii.”

2 Samueli 15:26

Lelo ndi wene atazangile munondi, lyene cili kunoli, ukuncitila consi icingamuzipila.”

2 Samueli 22:37

Wemo wansunga kuti yatandema, nupya ntatala napona.

1 Milandu 4:10

Lelo kwene Yabezi wapefile kuli Leza wa ina Izlaeli ati, “We Leza, ungampolelela umpeele ni mpanga ikulu. Nkukulenga uye nani, nupya uwancingilila nu ku viipe vyonsi ivingandetela ukuwaika.” Nga Leza amupeela cino walenzile.

Masamu 118:5

Lino nemo nali umu macuzi nalaizye kuli Yawe, nawe anguvwa, antuula kweneko.

Masamu 147:11

Lelo Yawe akasansamukila muli yayo akamucindika, muli yayo ataila mu kutemwa kwakwe ukwa pe.

Masamu 149:4

Pano Yawe akazangila mu antu yakwe, aliwe akayacindamika, pakuyapeela ucimvyo.

Masamu 22:8

“Wataila muli Yawe, ale lyene Yawe kakutuule tuvwe! Leka wene akukulule, pano akazangila munuli.”

Masamu 31:8

Utantazyela foo, nanti uku nsumbila umu makasa ya anisi yane. Lelo waleka ukuti naipitila sile nenga ukwitolo.

Masamu 31:9

Ya na mizu kunondi, we Yawe, pano nemo indi umu ucuzi. Ukulilizika kwane kwatikumvimvya amanso, umwili wane nu mwenzo wane vikunyunguluka.

Ezaya 42:1

Yawe wavwanga wati, “Wii ali muomvi wane wino nemo nemweneco natungilila, ali wino naisolwela nupya natemwisya. Namamwikila Umupasi wane, nga nawe alaletela antu amu mitundu yonsi ulungami.

Oseya 4:16

Aina Izlaeli yakoma imyenzo, wa ana ya ng'ombe. Uzye lyene Yawe angayimula uli ndi vino akalisya ana ya mfwele mu nyika?

Mateo 17:5

Lino acili akuvwanga, ikumbi liyengese cuze liyavimba, ni izwi lyuvwika kufuma mwi kumbi liti, “Wii, Mwanane mukundwe. Munoli nkuzanga cuze. Mwamuvwa.”

Mateo 27:43

Wene wataila Leza. Ndakai lekini Leza amutuule nda kasi, pano wavwanzile ukuti wene Mwana wakwe Leza.”

Mateo 3:17

Ni zwi lyuvwika kufuma mwiyulu liti, “Wii Umwanane mukundwe, munoli nkuzanga cuze.”