2 Samueli 21:6 - Amazwi Yakwe Leza 2013

⁶ Acino utupeele aonsi cinimbali amu mupanda wakwe, nga naswe tumayanyonga pa manso yakwe Yawe ku Gibeya, umusumba wakwe Saulo, umwene wino Yawe wasolwile.” Umwene nawe aasuka ati, “Namayapeela kunuli.”

2 Samueli 21:6 ပူးပေါင်းရင်းမြစ်များ

Utandiko 40:19

Mu manda yatatu Falao ale wakufumya mu ng'anda yaminyololo. Alino alapeela ilamulo kuti yakuputule umutwe, lyene umwili wako yalauning'inya ku muti ni vyunyi vilaulya.”

Utandiko 40:22

Lelo mukulu wakwe yakapanga ya mikate kwisano wene amukoma. Cali wakwe ndi vino Yosefu wailwile viloto vyao.

2 Samueli 17:23

Lino Aitofeli walola ukuti umpandamano wakwe utalondilwe, akwela pali punda wakwe nga aswilila ku musumba kumwao. Alino pacisila cakupeela amazwi ya utunguluzi ku ang'anda yakwe, Aitofeli aikulika. Acino afwa nga iyamuzika mwi lindi lya aluko lwakwe.

2 Samueli 18:10

Lino umuntu wenga pali yaya walola cii, aya anena Yoabu ati, “Nalinalola Abusalomu watalemya ku muti akunyinyinda.”

2 Samueli 19:28

Akazi kakwe tata cayalinga ukukomwa, lelo nemo wampiile insambu iya kulya api tebulo lyako. Nupya insi ni nsambu iya kukulenga kuti inje nu longo naluze ukufuma kunuli, we mwene wakwisaci.”

1 Milandu 12:3

Aiezeli intunguluzi yao, na Yoasyi, yoili yaa yali ana yakwe Syemaa uwaku Gibeya. Alino lyene palondelela ivita iviili wakwe Yezieli na Peleti, ana aonsi yakwe Azimaveti. Nga palondelela nayauze ali wakwe Belaka, Yeu uwaku Anatoti,

Ezila 6:11

Ukulunda pali cico, nupya nkukonkomezya nu kuti ndi cakuti kwala kwaya umwi uwakana ukuyela isunde lii, yace yasomole ulusondo ukufuma ku ng'anda yakwe kwene, alino yace yausongozye nga yamutunge kweneko nu kumulelemvya apapela. Alino ng'anda yakwe kwene ice isyale icitumba, apamulandu na aliwe kwene.

Esita 9:10

Alino ukwika penepo na ana aonsi yakwe Hamani umwana umonsi wakwe Hamedata, umwanisi wa Ayuda. Lelo yatasenzile ivisampwe vyonsi foo.

Mateo 27:5

Caleka Yuda asya wasumbila impiya zyakwe siluva mu Ng'anda ikulu yakwe Leza. Alino apita aya aikulika.

Milimo 13:21

“Lyene lino yuzya ukuti yakwate Mwene, Leza ayapeela Saulo, mwana wakwe Kisi, uwamu luko lwakwe Benjamini, kuti aye umwene wao pa myaka makumi yani.

Malango 21:22

“Ndi cakuti umuntu umwi yamukoma pa nkota zyakwe nga nu mwili wakwe yautana pa cimuti,

Yoswa 10:26

Lyene Yoswa akoma yamwene yalya yasano nu kuyakulikila ku miti isano, akuno iyalelemba ukufika na lino ilanzi lyawa.

Yoswa 8:29

Alino akulika umwene waku Ai ku cimuti, nga amusya akulelemba kuku kwene mpaka lino ilanzi lyawa. Nga lino ilanzi lyawa, Yoswa ayapeela ilamulo lya kusamula icala nu kucifuntula pa wingililo wa mpongolo ya musumba ulya. Alino lyene iyalonga penepo umutumba ukulu wa mawe, uno uliko ukufika na pilelo kwene.

1 Samueli 10:1

Lyene Samueli atoola umusazi wa mafuta ya miolivi ayapongolwela pa mutwe wakwe Samueli nga amutonsola, nga amunena ati, “Yawe umwisikulu aliwe wakusonta kuti uye umwene wa antu yakwe aina Izlaeli. Wewe uli nu kuteeka antu yakwe Yawe nu kuyatuula ku anisi yao, yano yayalizizya. Wemo ulapelwa icimanyililo ica kukulanga ukuti Yawe watasonta wewe ukuya umwene wa antu yakwe.

1 Samueli 10:24

Samueli anena antu yonsi ati, “Uzye mwailolela umuntu wino Yawe wasolola? Kusi nanti wenga wino yalingine nawe pali mwemwe.” Antu yonsi nayo yaasuka iyapunda iyati, “Si kalukuwala kuli we mwene!”

1 Samueli 10:26

Saulo nawe kwene apita kumwao ku Gibeya, ni umba lya vita lyamulondela, yao yano Leza watonsizye imyenzo.

1 Samueli 11:4

Lino intumi zizi zyafika ku Gibeya, kuno Saulo wikalanga, nu kufisya amazwi ku antu, yonsi kwene iyatandika ukulila nu kupoma.

1 Samueli 24:21

Lelo wemo ulinzile ukundaya ukuti utalakoma amu mupanda wane, pakuti izina lyane kumwi ni lya akazi kane litakalowe.”

1 Samueli 24:22

Davidi nawe alaya ukuti ali nu kucita vivyo kwene. Lyene Saulo aswilila ukwakwe nga Davidi na antu yakwe iyaswilila ku ncende ino yafisimemo.