2 Samueli 21:3 - Amazwi Yakwe Leza 2013

³ Acino Davidi aama aina Gibyoni nga ayanena ati, “Uzye icani cino namamucitila? Nkasi kuti inzifye imilandu ino yacisilwe kunomuli, pakuti namwe mungapolelela antu yakwe Yawe.”

2 Samueli 21:3 ပူးပေါင်းရင်းမြစ်များ

2 Samueli 20:19

Umusumba witu ukulu, onga pa misumba ya ina Izlaeli umwaya umutende nu kuyela sana. Uzye pacani cino ukulonda uwonone? Uzye ukulonda ukonona icintu cakwe Yawe?”

Kufuma 32:30

Uwanda walondelela Mose anena antu ati, “Mwacisile iifyo iliipe cuze. Lelo ndakai namaswilila kuli Yawe ku mwamba, limwi ningamucitila ulutambi lwa kufuta amaifyo. Limwi angamwelela iifyo linu.”

Aina Levi 1:4

Lyene aike ikasa lyakwe pa mutwe uwa wila uwo wakoca, alino Yawe alapokelela uwila uwo pakufuta amaifyo yakwe.

Yona 1:11

Cipupu icitwalilila ukukoma pali yemba. Caleka yamuzya yati, “Uzye tucite cani kunuli pakuti yemba alale aye mya?”

Ayebulai 9:22

Kulingana na Masunde yakwe Mose, vintu vinono sile visiswefiwa nu wazi. Maifyo nayo yasyaelelwa ndu wazi utapongolwilwe.

1 Samueli 2:25

Ndi umuntu umwi wifya ku muntu muze, Leza angamuvwangila. Lelo ndu muntu wifya kuli Yawe, uzye aweni angamupapatila?” Lelo ana yakwe yatatezizye ukukalipa kwakwe isi wao, pano cali ukulonda kwakwe Yawe kuti ayaponyezye imfwa yafwe.

1 Samueli 26:19

Fwandi lyene musambazi uvwa ku muomvi wako. Ndi cakuti Yawe uwakunena kuti wandwisya, ale lyene cizipe apokelele impolelwa iya kumuzanzya. Lelo ndi cakuti antu ayano yakukutunka, lyene icitipu cakwe Yawe ciyaponele! Pano yene yatiyanzinga umu mpanga yakwe Yawe nu kuntwala ku mpanga ya inamasi muno ningapepa sile tuleza tuze.