2 Samueli 21:22 - Amazwi Yakwe Leza 2013

²² Amapaka yaa yani yali amu mupanda wakwe Lafa uwaku Gati, nga uwayakomile a Davidi na antu yakwe.

2 Samueli 21:22 ပူးပေါင်းရင်းမြစ်များ

2 Samueli 21:16

Nga cililumba cimwi cino yamanga yati Isyibibonebu, wenga uwamu mupanda wakwe Lafa, icasenzile isumo ilyakweti icilimi ca mukuwa icanyomile ukulingana na makilogalamu yatatu na citika nupya icanyinyinyinzye ulupanga ulupya mu musana wakweco, icelenganya ukuti cingakoma Davidi.

2 Samueli 21:21

Ipaka lii ilisausya aina Izlaeli, nga Yonatani umwana umonsi wakwe Syimea, umwina wakwe Davidi, alikoma.

1 Milandu 20:8

Amapaka yaa yali amu mpanda wakwe Lafa uwaku Gati, nga uwayakomile a Davidi na antu yakwe.

Masamu 108:13

We Leza, ndi cakuti waya ukulusansa lwitu tumacimvya. Awewe umalovya nu kulyatilila anisi itu.

Masamu 118:15

Si uvwini kuko utupundu twa nsansa utwakucimvya, umu nsakwe zya antu yakwe Leza, tukuti, “Eya Umwene Wamaka, uwatacita ci!

Masamu 60:12

We Leza, ndi cakuti waya uku lusansa lwitu, lyene tumacimvya. Awewe umalovya nu kulyatilila anisi itu.

Kasambilizya 9:11

Naweni icintu nacuze. Icintu cico icakuti antu yano yakwatisya ulwilo yasicimvya mu kucimvyanya, na antu aposye yasicimvya mu nkondo. Antu yamano asi lyonsi lino yakwata ivyakulya. Antu acenjele asi lyonsi lino yakaya akama. Antu asambilile asi lyonsi lino yakasyukila incito ya papela, pano isyamo likaponela umuntu ali wensi.

Yelemiya 9:23

Yawe wavwanga wati, “Uwamano atayuvwa pa mano yakwe, nanti uwamaka atayuvwa pa maka yakwe, umukama nawe atayuvwa pa vyuma vyakwe.

Loma 8:31

Uzye tumati uli pa vintu vii? Ndi Leza ali naswe, aweni amatucimvya?

Loma 8:37

Lelo mu vintu vii vyonsi tukweti kucimvya mu maka yakwe Leza wino watutemwa.

Yoswa 14:12

Ale lyene fwandi umpeele impanga ya myamba ino Yawe wandavile pa wanda ulya. Nupya wemwisikulu wayuvwilile pa nsita ilya ukuti aina Anaki yali kuku nu kuti imisumba yao yali ikulu sana nupya iyakuulililwa amalinga. Lelo Yawe ndi wangazwa indayazinga wakwe vino wene wavwanzile.’ ”