2 Samueli 21:17 - Amazwi Yakwe Leza 2013

¹⁷ Lelo Abisyai umwana wakwe Zeluya aiza atuula Davidi. Azanza umwina Filisti wilya nu kumukoma. Lyene antu yakwe Davidi aonsi iyaleka kuti Davidi alaye nu mulapo ukuti atalatala aye nayo nupya ku ulwi. Yavwanga yati, “Wewe uli upaalilo wa ina Izlaeli, nupya tutakasi ku kuponzya.”

2 Samueli 21:17 ပူးပေါင်းရင်းမြစ်များ

2 Samueli 14:7

Musambazi, ali cino fwandi akazi kakwe yonsi yatiyankatukila yati, ‘Suka sile utupeele umwana wiya uwakomile umwana muze uleke nawe tumukome tulandule pali vino wakoma umwina.’ Lyene mwene ndi cakuti yacita cico, nemo ale namasyala sile ukwaula umwana. Lyene ale casila kutalasyala nanti umwi uwakuti yace yaiusizyako uwane pano nsi.”

2 Samueli 18:2

Lyene Davidi atuma ivita mu maumba yatatu iyapita pamwi na Yoabu na Abisyai umwina wakwe Yoabu na Itai uwaku Gati, cila muntu atungulula iumba lyonga. Nga umwene anena antu yakwe ati, “Namapita namwe nene kwene nemwisikulu.”

2 Samueli 18:3

Nayo iyamwasuka yati, “Utangapita naswe, awe. Anisi itu yalalola ukuti icili cimwi kwene ndi cakuti swe muno twasyala twapuka, nanti angala citika wakwe sweswe wakomwa. Lelo wemo ulingine swe antu amazimbi ikumi lyonga. Cingazipa ndu ngasyala mu musumba kwene uu ule ukututumila uwazwilizyo.”

2 Samueli 22:19

Lino nali umu ntazi, yene yanzanzile, lelo Yawe wancingilile.

2 Samueli 22:29

We Yawe wewe luswepo lwane. Wemo ukamfumizya imfinzi.

1 Yamwene 11:36

Lelo umwana umonsi wakwe Solomoni ndamusila umutundu onga, pakuti lyonsi kwene ince nkwate umwi uwa mupanda wa muomvi wane Davidi, uwakuteeka mu Yelusalemu, umusumba uno nasolola kuti amuno yampepela.

1 Yamwene 15:4

Lelo pamulandu wakwe Davidi, Yawe wapile Abiya umwana, kuti ateeka mu Yelusalemu lino wene waca wafwa.

Masamu 132:17

Ali muno ndasolola wenga uwamu mupanda wakwe Davidi ukuya umwene. Ali mukwene muno ndatengelela ulayo wa mwene musololwe wane.

Masamu 144:10

Awewe ukalenga ukuti yamwene yacimvye, nu kukulula umomvi wako Davidi.

Masamu 46:1

A Leza ali wino swemo tukazina munoli. Nupya ali wino akatupeela na maka, akatwazwa lyonsi sile lino tukaya umu ucuzi.

Yelemiya 40:15

Yoanani umwana wakwe Kaleya ali pakunena Gedaliya umu umfinsolo ku Mizipa ati, “Leka inje nkakome Isumeli umwana wakwe Netaniya, kusi wino alamanya uwatacita cico. Uzye pacani cino wene angakukomela nu kuleka aina Yuda yonsi yano yakolongana kunuli yace yapasike? Icani cino Ayuda yano yasyala penepo yalowelela?”

Yoane 5:35

Yoane wakoline wa kuyengesa kwi lampi lino likwaka, nga namwe mutemwa kuzangila mu luswepo lwakwe pa nsita inono sile.