2 Samueli 21:16 - Amazwi Yakwe Leza 2013

¹⁶ Nga cililumba cimwi cino yamanga yati Isyibibonebu, wenga uwamu mupanda wakwe Lafa, icasenzile isumo ilyakweti icilimi ca mukuwa icanyomile ukulingana na makilogalamu yatatu na citika nupya icanyinyinyinzye ulupanga ulupya mu musana wakweco, icelenganya ukuti cingakoma Davidi.

2 Samueli 21:16 ပူးပေါင်းရင်းမြစ်များ

Utandiko 14:5

Mu mwaka uwalenga ikumi na ini Kedolaomeli ni vita vyakwe na yamwene yano yuvwananga nawe, yumana akapi yalwisya yacimvya aina Lefaimu mu Asyitaloti Kalinaimu, na Zuzimu mu Hamu, Emimu mu Syave Kilyataimu,

Utandiko 6:4

Lyene mu manda yalya nu mu manda alondelela kwali vipombolo vya antu pano nsi, vivyo ivyavilwe ku anaci atwitwe ku ana yakwe Leza aonsi. Yene yali ali antu yamaka, alumbuke.

2 Samueli 21:18

Pacisila ca nsita imwi, kwakatwike ulwi nauze uwakulwisyanya na ina Filisti, ku Gobi. Pa nsita ilya Sibekai uwafumile ku Husya akoma ipaka lino yatemile izina yati a Safu, wenga uwamu mupanda wakwe Lafa.

2 Samueli 21:20

Lyene umu ulwi uze uwacitike ku Gati, kwali ipaka ilyatemilwe ukulwa. Lyali ni minwe mutanda ukwi kasa lilunji na mutanda ukwi kasa limani. Vivyo kwene lyali ni vikando mutanda ku lwazo lwakwe ndilo nu lwimani kwene. Nawe kwene wali uwamu mupanda wakwe Lafa.

2 Samueli 21:22

Amapaka yaa yani yali amu mupanda wakwe Lafa uwaku Gati, nga uwayakomile a Davidi na antu yakwe.

2 Samueli 5:18

Lyene aina Filisti yiza yasansantika umu Cifoloma ca Lefaimu amuno yikala.

Mpendwa 13:22

Yapuzinkanya ukuya pita ku Negebu nu kwizafika ku Hebuloni, ukwikalanga Aiimani, Syesyai, na Talimai, amu mupanda wakwe Anaki. (Musumba wa Hebuloni wakuzilwe imyaka cinimbali lino umusumba wa Zoani uwamu Eguputo utali ukuulwe.)

Mpendwa 13:28

Lelo kwene antu akaikala mwenemo aamaka cuze. Ni misumba yao iikulu cuze nupya izingulusye amalinga. Kuluta pali vii, twaweni amu mupanda wakwe Anaki.

Malango 1:28

Uzye pacani cino tungaila kukwa? Tukuuvwa intete. Antu yano twatumile kweneko yakutunena ukuti antu aya kukwa yaya namaka cuze nupya amalamba ukutuluta, nu kuti yakaikala mu misumba ya malinga atali kufika nu mwiyulu. Yene yaweni aina Anaki kukwa!’

Malango 2:10

(Apa mpiti aikalanga mu musumba wa Ali aina Emimu, ivi yantu ivituuluke ivyali umutundu uwamaka cuze. Yali ivipombolo wa ina Anaki, umutundu uze uwa vipombolo.

Malango 2:11

Wa ina Anaki, aina Emimu nayo kwene yayamanga ukuti aina Lefaimu. Lelo aina Moabu yene yamanga aina Lefaimu yati aina Emimu.

Malango 2:21

Yene yali ivipombolo wa ina Anaki. Yali avule cuze nupya yali amaka. Lelo Yawe wayononyile, pakuti aina Amoni yapoke impanga yao nu kwikala mwenemo.

Malango 3:11

(Ogi umwene waku Basyani uwasyalikizye kweneko pa ina Lefaimu. Imbokosi umwali icala cakwe yali iya mawe. Umu wipi yali amamita ukulingana yaili, nu mu utali namo yali amamita yani. Imbokosi iyo icilipo na pilelo mu musumba wa ina Amoni ku Laba.)

Malango 9:2

Antu aya mwenemo yakwata amaka nupya ivipombolo. Yayo ali ina Anaki. Mumanyile ivya pali aliyo nupya muvwa kuno vyalandwa ukuti kusi nanti wenga angalwisya aina Anaki.

Yoswa 11:22

Kutali umwina Anaki uwasile mu mpanga yonsi iya ina Izlaeli, suka sile mu Gaza, mu Gati, nu mu Asyidodi.

Yoswa 15:14

Ukufuma ku Hebuloni Kalebu azinga aina Anaki yatatu, amazina yao a Syesyai, Aiimani, na Talimai, amu mupanda wakwe Anaki.

1 Samueli 17:7

Umusako wi sumo lyakwe, wali wa mulongoti wakwe kapikula. Alino icilimi ci sumo kwene cafinyile amakilogalamu amakumi cinimbali. Kasenda wa nkwela yakwe ali wino wakolelanga.