2 Samueli 21:14 - Amazwi Yakwe Leza 2013

¹⁴ Alino iyaya yazika amafupa yakwe Saulo na yakwe Yonatani umwi lindi lyakwe isi wakwe Kisyi uwali isi wakwe Saulo, mu musumba wa Zela umu mpanga yakwe Benjamini, iyacita vyonsi ukulingana ni lamulo lya mwene. Nga pacisila cakwe cico, Leza aasuka amapepo yao yano yapepelile impanga.

2 Samueli 21:14 ပူးပေါင်းရင်းမြစ်များ

2 Samueli 21:13

Davidi pali pakutoola amafupa yakwe Saulo na Yonatani nga na mafupa ya antu yaya aonsi cinimbali yano yanyonzilwe.

2 Samueli 24:25

Davidi akuulila Yawe kavuwa kuku nga apeela amawila yakoca na mawila ya utandano. Alino Yawe aasuka ipepo lyakwe lino wapepelile impanga, nga ni mpungo iyaponile impanga ya Izlaeli ita.

2 Samueli 3:32

Abineli iyamuzika ku Hebuloni. Umwene Davidi wapunzile impoma sana pa kumulosya, cakuti na antu yonsi nayo kwene iyalila nu kupooma sana pa kumulosya.

2 Samueli 4:12

Davidi apeela ilamulo ku vita vyakwe, nga ivikoma Lekabu na Baana nu kuyaputula ivizanza na makulu nga iviyanyinyinzya apapela pipi ni ciziya camu Hebuloni. Lelo ivisenda umutwe wakwe Isyibosyeti nga viya viuzika mwi cele lyakwe Abineli ku Hebuloni.

Yona 1:15

Lyene yanyemula Yona nga yamusumbila muli yemba, nga lilyo kwene yemba amyalala aya mya.

Zakaliya 6:8

Lyene umungeli anena ati, “Walola, zizi zino zyalungime uku katutu ku mpanga ya Babiloni, ali zino zyatekizye Yawe umwenzo, pasi pano walanga wene watasoka.”

Mpendwa 25:13

Fwandi aliwe wenga sile pamwi na ana yakwe alamukonka pacisila, alasyukila ulayo uu uwa kuya yasimapepo, pamulandu wakuti wene wali nu muzonda wakucindika Leza wakwe nu kucitila aina Izlaeli ulutambi lwa kufuta amaifyo.

Mpendwa 25:8

nga alondelela umwina Izlaeli wiya mu nsakwe. Ayatota yoili kwene ukupuzinkanya isumo mu muze, umwina Izlaeli nu mwanaci wiya. Alino lyene ni mpungo ino walanga yapona pa ina Izlaeli isila nu kusila.

Yoswa 18:28

Zela, Haelefe, umusumba wa ina Yebusi (kuli kuti, Yelusalemu), Gibeya na Kilyati Yealimu: imisumba ikumi na ini nga ni mizi yakweyo. Iyo ili mpanga ino umutundu wakwe Benjamini wapilwe, uluko nu luko kuti iye icaupyanyi cao.

Yoswa 7:26

Alino iyatulikapo nu mutumba wa mawe ukulu sana. Umutumba uu na ndakai apano waya. Ali cino ukufika na pilelo pantu papa yakapaama yati Cifoloma ca Akoli. Awe lyene nu ukali wakwe Yawe pali pakusila.

1 Samueli 10:2

Amala sile twapalukana, umakomenkanya antu yaili aonsi mu pipi ni cele lyakwe Lakeli ku Zeliza umu mpanga yakwe Benjamini. Yene yamaya yakakunene yati, ‘Yapunda yano watenwike uya ku kuyalonda yaloleka. Nga so lyene wata ukusakamala pamulandu wakwe yapunda. Lyene wasyala akwelenganya sile pali wewe.’ Wene acili akuilizyanya ati, ‘Uzye namacita cani pa mwanane?’