2 Samueli 21:10 - Amazwi Yakwe Leza 2013

¹⁰ Lyene Lizipa umuci namuze wakwe Saulo, nupya umwana umwanaci wakwe Aiya, aomvya amasaka pakuipangila umwakuuwa pa mawe apali ivyala vivya, nga aikala kweneko ukufuma sile pakutandika kwa uzombozi mpaka na lino icisiku catandika. Umu nsita zya musanya ala akuzila ivyunyi pa vyala vivi, nga usiku nalyo avicingilila ku nyama zya mpanga.

2 Samueli 21:10 ပူးပေါင်းရင်းမြစ်များ

Utandiko 40:19

Mu manda yatatu Falao ale wakufumya mu ng'anda yaminyololo. Alino alapeela ilamulo kuti yakuputule umutwe, lyene umwili wako yalauning'inya ku muti ni vyunyi vilaulya.”

2 Samueli 21:11

Lino Davidi uvwa ivyativicita Lizipa umwana wakwe Aiya, nupya umuci namuze wakwe Saulo,

2 Samueli 3:7

Uwanda umwi Isyibosyeti umwana umonsi wakwe Saulo apeela Abineli umulandu wa kulongozya na Lizipa, umuci namuze wakwe Saulo. Lizipa wali umwana umwanaci wakwe Aiya.

1 Yamwene 21:27

Lino Eliya wamala ukulanda, Aabu alepola vyakuzwala vyakwe, avizuula azwala ni nsalu zya malanda, nga afunga ukulya. Alala vivyo kwene ala azwite insalu zya malanda. Napakupita, atontongela sile.

Yelemiya 14:22

Uzye kwaya akaluwi nanti konga pali tuleza twa inamasi kano kangatuletela imvula? Iyulu litupu nalyo kwene litangatutumila imvula. Lelo awewe sile wenga we Mwene witu, wemuno twataila Wewe sile wenga mpo ukacita vii.

Ezekelo 39:4

Ulafwila pa myamba yakwe Izlaeli, wewe kwene pamwi ni vita vyako vyonsi nga ni mitundu ino uli nayo. Ndakusangula icakulya ca vyunyi, ivilyanyi vya misango yonsi ni ca nyama zyonsi zya mpanga.

Oseya 6:3

Lekini twezye ukumanya Yawe. Lekini tutukusye ukumumanya. Cumi kwene aliza kunotuli wa kutunka kwi lanzi, aliza kunotuli wa mvula ya macesya, ni yapa mooko ino ikatontekela umusili.”

Yowelo 1:18

Iviteekwa navyo kwene vikulila inzala. Ing'ombe nazyo zikulukulungana pano zitakweti umulemvwe. Ni mfwele kwene zikulukuzewana.

Yowelo 2:23

“Mwe ina Zioni, zangini nu kusansamuka pamulandu wa vintu vino Yeona watamucitila. Wene watamuyela amizu apakumupeela imvula muli zuwazuwa nupya ivulisye cuze, ukufuma ku miundo mpaka uku mwela, ndi vino cali uku mpiti.

Zakaliya 10:1

Mwauzya imvula ya mooko kuli Yawe. A Yawe aliwe akaleta amakumbi ni mvula kwene, nu kumezya ivintu mu vyalo vya muntu ali wensi.

Malango 11:14

Ndi mwacita cii, ale lyene ndaleka imvula itonye pa mpanga inu pa nsita ino ikaizila penepo, iya pa kuwela kwa mvula ni ya pa mwela, pakuti muce mukwate uzombozi wa mbezu, mukwate na waini na mafuta ya miolivi.

Malango 21:13

alino azwale ni vyakuzwala vyuze. Wene alinzile ukwikala umwako nu kulosya akwasi yakwe umwezi upuma. Pacisila cakwe cico, alino lyene ungamutwala.

Malango 21:22

“Ndi cakuti umuntu umwi yamukoma pa nkota zyakwe nga nu mwili wakwe yautana pa cimuti,

Malango 21:23

ale lyene mutalinzile kusya umwili uwo pa cimuti. Mulinzile kuzika umwili, pamulandu wakuti umwili uno iyatana pa cimuti ukaleta citipu cakwe Leza pa mpanga. Muziike umwili uwo, pakuti mutakowezya impanga ino Leza akupeela kunomuli.”

1 Samueli 17:44

Umwina Filisti anena Davidi ati, “Iza kuno, nga nani namapeela umunyefu wako ku vyunyi ivikapapuka ni nyama zya mpanga kuti zilye!”

1 Samueli 17:46

Uwanda kwene uu Yawe amakundemela. Namakucimvya nu kuputula umutwe wako. Nupya namapeela imili ya asilika ya ina Filisti ku vyunyi ni vinyama kuti vilye. Lyene amu nsi yonsi yalamanya ukuti umu mpanga ya ina Izlaeli mwaya Leza.