2 Samueli 20:9 - Amazwi Yakwe Leza 2013

⁹ Yoabu anena Amasa ati, “Mwinane, mupozile!” Alino Yoabu alema ivilezu vyakwe Amasa ukwi kasa lyakwe ilya kwilunji kuti amutonsole.

2 Samueli 20:9 ပူးပေါင်းရင်းမြစ်များ

2 Samueli 15:5

Na cila nsita ndi kwaloleka umuntu umwi, Abusalomu wakonzololanga ikasa lyakwe, amukumbata nu kumutonsola.

2 Samueli 17:25

Abusalomu wasonsile Amasa kuti atoole cifulo cakwe Yoabu uwali musika mukulu uwa vita. Amasa wali umwana umonsi wakwe Yeteli umwina Isumeli. Na nyina wali a Abigelo, umwana umwanaci wakwe Naasyi uwali kaci muze wakwe Zeluya nyina wakwe Yoabu.

2 Samueli 18:29

Alino umwene auzya ati, “Uzye umulumendo Abusalomu umucingililwe?” Aimaazi nawe aasuka ati, “Musambazi, lino Yoabu umuomvi wako waliwantuma inalola icinduvyanya icikulu ica antu, lelo ntacimanyile.”

2 Samueli 3:27

Lino Abineli wafika umu Hebuloni, Yoabu amusenda pa mbali lwapa mpongolo, kwati akulonda ukulanda nawe umu nkama. Kuku kwene akuno amutota umu lunda. Avino Abineli yamukomile pamulandu wakuti wene wakomile Asaeli umwina wakwe Yoabu.

1 Yamwene 2:32

Yawe amavunuka Yoabu pa utazi wa katwe uno wene wacita, pamulandu wakuti wene wakomile antu yaili ku lupanga, ukwaula kuti tata Davidi amanye. Antu yayo yoili amulusile umu kucita ivisuma a Abineli umwana umonsi wakwe Neli nupya musika mukalamba uwa vita vya ina Izlaeli, na Amasa umwana wakwe Yeteli nupya musika mukalamba uwa vita vya ina Yuda.

Masamu 55:21

Amazwi yakwe, yali sile asuma, lelo umu mwenzo wakwe mwene ulupato sile ali luno lwali mwenemo. Amazwi yakwe yuvwikanga atambalale fwandi mbali yali anyoleke wa lupanga.

Mapinda 26:23

Akalomo kaundyondyo ni vitakwa viipe, cili conga sile ni nyungu ikulumbile, iyaula ukoca.

Mapinda 27:6

Ivilonda vino cuzako angakucisa vitangaya ivyaku mufulo, lelo ukufyompwa uku mwanisi kwene ukwa kapelu.

Yelemiya 41:2

Isumeli umwana wakwe Netaniya pamwi na antu yaya ikumi yano yali nawe yakatukila nu kukoma Gedaliya umwana wakwe Aiikamu umwizikulu wakwe Syafani, ku lupanga. Fwandi yakoma umuntu wilya wino umwene waku Babiloni walasike umu mpanga ilya.

Mika 7:2

Antu acumi yatacilipo pa mpanga ya pano pansi, kusi nanti wenga akacita ivilungame. Yonsi kwene yakateyamila auze kuti yayakome. Cila muntu akateya ulukose lwakulemyamo umwina.

Yakapingula 3:15

Lyene aina Izlaeli iyalilila kuli Yawe, nga nawe ayatumila umuntu uwayatuuzile. Umuntu wi wali a Eudi, umwana wakwe Gela, uwamu mutundu wakwe Benjamini. Eudi waomvyanga ikasa limani. Aina Izlaeli yatumile Eudi kuli Egiloni umwene waku Moabu, ala asenzile amawila akumupeela.