2 Samueli 20:6 - Amazwi Yakwe Leza 2013

⁶ Acino Davidi anena Abisyai ati, “Syeba amatuletela intazi izingi ukuluta zino Abusalomu watuletile. Toola yakalinda yane akwi sano nga umulondelele pipi pipi pano limwi angaya akikale mu misumba iyakulililwa amalinga nga tumupanye.”

2 Samueli 20:6 ပူးပေါင်းရင်းမြစ်များ

2 Samueli 10:14

Lino aina Amoni yalola ukuti aina Asilya yapuuka, iyutuka Abisyai, iyawelela icisila, iyingila nu mu musumba. Lyene Yoabu pali pakusenka asya wata ukulwisya aina Amoni nga aswilila ku Yelusalemu.

2 Samueli 11:11

Uliya nawe aasuka Davidi ati, “Aina Izlaeli na ina Yuda yonsi yali ku nkambi, nga umusambazi wane Yoabu nga na makombe ya mwene yatiyakuula insakwe pa mpanga pa mbiliwili. Uzye lyene icani icingaleka nene inje ukwane ku kumwa nu kulya nu kulala nu muci wane? Awe icumi nalaya nu mulapo ukuti cico cene ntange ncicite!”

2 Samueli 18:12

Lelo umuntu wilya aasuka ati, “Nantiangala ungampeela impiya izimbi lyonga zyakwe siluva, ntange inkatusye ikasa lyane nu kuzanza umwana wa mwene. Swemo twayuvwilanga na makutwi itu ilamulo lino umwene wapeezile wewe na Abisyai na Itai, ati, ‘Pamulandu wane mutaezya ukucita cimwi iciipe ku mulumendo Abusalomu.’

2 Samueli 18:2

Lyene Davidi atuma ivita mu maumba yatatu iyapita pamwi na Yoabu na Abisyai umwina wakwe Yoabu na Itai uwaku Gati, cila muntu atungulula iumba lyonga. Nga umwene anena antu yakwe ati, “Namapita namwe nene kwene nemwisikulu.”

2 Samueli 19:7

Acino lyene pitanga ukakomelezye antu yako. Nalapa umwi zina lyakwe Yawe ukuti ndutangacita cico, ale mutondo akatondo yonsi kwene yalakusoloka. Cii, ciliipisya kunuli ukuluta imipamba yonsi iyakucitikile mu manda ya umi wako yonsi.”

2 Samueli 2:18

Ana yatatu aonsi yakwe Zeluya yaa akuno yali: Yoabu, Abisyai, na Asaeli. Asaeli uwakweti ulwilo wakwe mpombo

2 Samueli 21:17

Lelo Abisyai umwana wakwe Zeluya aiza atuula Davidi. Azanza umwina Filisti wilya nu kumukoma. Lyene antu yakwe Davidi aonsi iyaleka kuti Davidi alaye nu mulapo ukuti atalatala aye nayo nupya ku ulwi. Yavwanga yati, “Wewe uli upaalilo wa ina Izlaeli, nupya tutakasi ku kuponzya.”

2 Samueli 23:18

Abisyai umwina wakwe Yoabu, umwana umonsi wakwe Zeluya wali umukalamba wa vita makumi yatatu. Wene wakomile antu imyanda itatu ukwi sumo lyakwe pa ulwi onga. Lyene alumbuka wa antu yalya yatatu.

2 Samueli 3:30

Fwandi vivyo avili vino cali lino Yoabu pali pamwi nu mwina Abisyai yakomile Abineli, pamulandu wakuti yene yakomile Asaeli umu ulwi uwayelile ku Gibyoni.

2 Samueli 3:39

Nanti angala nene indi mwene umusololwe, umwi lelo pasi vino namacita. Ana yaa aonsi yakwe Zeluya akakasi sana. Yene yatiyampezya amano. Si Yawe ale alandule pali vino antu yaa yatiyacita.”

1 Yamwene 1:33

ayanena ati, “Sendini intunguluzi zyane izya mwi tengo. Muleke Solomoni umwana wane akwele nu kupita pa nyumbu yane kololo, nga mumusukilile mutentemukile ku kafukoka ka Giooni.

1 Milandu 11:20

Abisyai umwina wakwe Yoabu wali intunguluzi ya vita vivi amakumi yatatu. Wene walwisizye ivita ni sumo lyakwe, nga avikoma. Ivita vivyo vyali amakumi yatatu. Ali vino walumbwike apa antu yaya amakumi yatatu.

1 Milandu 18:12

Abisyai umwana umonsi wakwe Zeluya wakomile aina Edomu amazimbi ikumi na cinani mu Cifoloma ca Musilya.

Yelemiya 8:14

Antu yakwe Leza yuzya yati, “Uzye pacani cino twikala ukwaula kucita cimwi? Konganini, tulungame ku misumba ya malinga, akuno tukafwile. Pano Yawe Leza witu akulonda kutulovya nu kutumwesya amanzi yausungu, pamulandu wakuti twifya kunoli.

Mako 3:24

Antu amu wene ndi yakatukilana aisikulu nu kuilwisya, uwene uo ulapaatukana.

1 Samueli 26:6

Davidi ali pakuuzya Aimeleki umwina Hiti na Abisyai umwana wakwe Zeluya uwali umwina wakwe Yoabu, ati, “Uzye aweni amaya pamwi nani kuli Saulo umu nkambi?” Abisyai aasuka ati, “Anene namapita nawe.”