2 Samueli 20:21 - Amazwi Yakwe Leza 2013

²¹ Lilyo lisi ipange litu, awe. Umonsi umwi wino yatemela izina yati a Syeba umwana wakwe Bikili, uwaku mpanga yakwe Efulemu, impanga ya myamba, uwatandike ukusangukila umwene Davidi. Tupelini umuntu wi wenga, nga naswe tumafuntuka ku musumba.” Umwanaci wilya anena Yoabu ati, “Tumasumbila umutwe wakwe pansi ukufuma api linga.”

2 Samueli 20:21 ပူးပေါင်းရင်းမြစ်များ

2 Samueli 20:1

Kwali kweneko kacita wa mpanzela wino yatemile izina iyati a Syeba, umwana wakwe Bikili, uwamu luko lwakwe Benjamini. Wene alizya intandala apunda ati, “Tusi ku lusansa lwakwe Davidi! Nupya tutakulondela umwana wakwe Yese! Mwe ina Izlaeli, si tuini tuswilile kumwitu!”

2 Samueli 20:2

Acino aina Izlaeli iyasoloka Davidi iyapita na Syeba umwana wakwe Bikili. Lelo antu yakwe Yuda yali ku lusansa lwakwe Davidi nga iyamulondela ukufuma ku Yodani mpaka nu ku Yelusalemu.

2 Samueli 20:20

Yoabu aasuka ati, “Cipelele ukutali! Nemo ntalatala nonone nanti ukuongolola umusumba winu!

2 Samueli 23:18

Abisyai umwina wakwe Yoabu, umwana umonsi wakwe Zeluya wali umukalamba wa vita makumi yatatu. Wene wakomile antu imyanda itatu ukwi sumo lyakwe pa ulwi onga. Lyene alumbuka wa antu yalya yatatu.

1 Yamwene 11:26

Umuntu namuze uwakatukile umwene Solomoni wali a Yeloboamu, umwana wakwe Nebati uwamu mutundu wakwe Efulemu, waku Zeleda. Wali awenga uwamu nkombe zyakwe Solomoni, wino nyina wali a Zeluya, uwali mukamfwilwa.

2 Yamwene 10:7

Lino intunguluzi zizya zyapokelela kalata wakwe Yeu, izilema amu mupanda wakwe Aabu yonsi amakumi cinimbali, nga ziyaputula imitwe. Alino iziika imitwe yao mu mise nga zitumila Yeu ku Yezileele.

2 Yamwene 5:22

Geazi nawe aasuka ati, “Kuli cele. Umusambazi wane Elisya aliwe wantuma kwiza kunena ukuti watapokelela aenyi yaili, yakasema ukufuma ku mpanga yakwe Efulemu iya myamba. Ali cino akupapata kunuli kuti ungamupeela ulupiya lwakwe siluva ukulingana amazimbi yatatu, ukwika penepo na mataaka yaili a nsalu.”

Yelemiya 4:15

Pano izwi likulaizya ukufuma kuli Dani, likuvwika lya ulanda. Lyene likufuma ku myamba yakwe Efulemu nga likusowela ukononwa.

Yelemiya 50:19

Alino ndaswilizya Izlaeli kwi cemelo lyakwe, alalya cakulya cakwe ku mwamba wa Kalimeli ku citungu ca Basyani. Nupya alalya mpaka aiine, atelepe mu mpanga yakwe Efulemu nu mu Gileadi.

Yoswa 24:33

Eleaza umwana wakwe Aaloni afwa, nga iyamuzika ku Gibeya, umusumba wakwe Pineasi umwana wakwe, uno wapezilwe kunoli mu mpanga ya myamba yakwe Efulemu.

Yakapingula 2:9

Nga iyamuzika mu mpanga yakwe ino yamupile ukuya icaupyanyi cakwe, umu Timunati Helesi, lwaku katutu ka Mwamba wa Gaasyi, umu mpanga ya myamba yakwe Efulemu.

Yakapingula 7:24

Gidyoni atuma inkombe konsi ku mpanga yakwe Efulemu, ya myamba, yakalande yati, “Tantamukini nu kwiza lwisya aina Midyani. Muyacilikizye konsi ukuli amanzi lino yatacili yafike kweneko. Muye ku ncende zyonsi ukufika nu ku Beti Bala, nu ku Luzi lwa Yodani kwene.” Awe mukwai aina Efulemu yene iyafika iyandalila ni ncende zya manzi zyonsi ukufika ku Betibala nu ku Luzi lwa Yodani kwene.

Yakapingula 9:55

Lino aina Izlaeli yalola ukuti Abimeleki watafwa, yonsi kwene iyaswilila kumwao.

1 Samueli 24:6

nga anena antu yakwe ati, “Si angala Yawe andesye ukucitila umusambazi wane icintu icamusango uu, wikwene wino Yawe wasolola ukuya umwene! Nemo ntalinzile ukumucitila iciipe icili consi, pamulandu wakuti wene umwene wino Yawe wasolola!”

1 Samueli 26:9

Davidi nawe aasuka Abisyai ati, “Utezya ukumukoma! Uzye aweni angazanza umuntu wino Yawe wasolola ukwaula kuti avunukwe?