2 Samueli 20:13 - Amazwi Yakwe Leza 2013

¹³ Pacisila cakufumya icala cici umu museo, cila muntu alondela Yoabu ku kucocovya Syeba umwana umonsi wakwe Bikili.

2 Samueli 20:13 ပူးပေါင်းရင်းမြစ်များ

2 Samueli 20:1

Kwali kweneko kacita wa mpanzela wino yatemile izina iyati a Syeba, umwana wakwe Bikili, uwamu luko lwakwe Benjamini. Wene alizya intandala apunda ati, “Tusi ku lusansa lwakwe Davidi! Nupya tutakulondela umwana wakwe Yese! Mwe ina Izlaeli, si tuini tuswilile kumwitu!”

2 Samueli 20:11

Wenga pa antu yakwe Yoabu aimilila pipi na Amasa nga avwanga ati, “Londelini Yoabu, mwensi mwemuno muli ku lusansa lwakwe Yoabu na Davidi!”

2 Samueli 20:14

Syeba apita umu mitundu yonsi iya ina Izlaeli mpaka afika ku Abeli Beti Maaka nga nu mpanga yonsi iya ina Beliti, yao akongine pamwi iyamulondela mu musumba.

2 Yamwene 18:17

Umwene waku Asilya nawe ali pakutuma ivita vii: musika mukulu uwa vita, na cilolo wakwe umukalamba, nu mukalamba wa vita ukwika penepo ni mpuka ikulu iya vita, ukufuma ku Lakisyi ukuya zanza Hezekiya uku Yelusalemu. Lino yafisile kweneko uku Yelusalemu, yaile yimilila umu museo, umwayela yakapanga ya nsalu, umu pipi nu mufolo ukaleta amanzi ukufuma umu ciziya icayela apapela.

Mapinda 16:17

Inzila ya antu asuma, ikafuntuka uku uyi, nu muntu uwalola kuno akuya, ala wasunga umi wakwe.

Ezaya 36:2

Alino umwene waku Asilya watumile umukalamba wa vita vyakwe pamwi ni umba ilikulu ukufuma ku Lakisyi ukwiza ku Yelusalemu kuli Hezekiya. Alino umukalamba wiyo aimilila apipi nu mufolo wa manzi apa cilambe ca papela lwa mu mbali ya museo muno mwaombelanga yakapikula ya nsalu.

Ezaya 62:10

Pitini, pitini mu mpongolo! Umilini antu inzila! Lundumalikini umuseo, fumini mwenemo amawe! Tumpwilini imitundu imendela!

Ezaya 7:3

Alino lyene umwene anena Ezaya ati, “Senda umwanako Syeali Yasyubu, mupite mukakomenkanye Aazi umu museo, papa pano yakapikula ya nsalu yakaombela, apa mpela ya mufolo wa manzi akapita ukufuma umu cilambe ca pa mulundu, apapela.

Yelemiya 31:21

Simpa ivipampa ivyakulangilila inzila, uike nu lukomelo. Iusya ningo inzila muno wapisile. Siwela we mukazyana nacisungu, we Izlaeli. Welulukila ku misumba yako, ii.

Mpendwa 20:19

Aina Izlaeli nayo yavwanga yati, “Ala tulapita mu museo ukalamba, nupya sweswe pamwi ni viteekwa vitu ndi cakuti twaca twamwa amanzi inu, ale lyene tulalipila. Cino tukulonda, ulusa lwa kupita ukusalala sile mwenemo pa ngazo.”

Mako 10:46

Yesu wizile ku Yeliko pamwi na alondezi. Lyene lino wafumanga ku Yeliko na alondezi yakwe ni iumba likulu, impafu kalenga, zina lyakwe a Batimeo mwana Timeo, watenzi pa mbali ya museo.

Yakapingula 21:19

Alino iyelenganya yati, “Lolini, kwasya kuye ukuzevya kwa cila mwaka ukwa kucindikilamo Yawe ku Syilo, lwaku katutu kakwe Betele, ku ufumondaka wa museo uwafuma ku Betele nu kuya ku Syekemu, na lwaku kaeya kakwe Lebanoni.”

1 Samueli 6:12

Lyene ing'ombe zizi izilungama ku Beti Syemesyi, izisonta sile papa kwene nupya zila zikulila nzila yonsi. Zyene zitapetukile nanti kuze. Intunguluzi zya ina Filisti nazyo zila zilondelile ukufika nu ku mupaka wa Beti Syemesyi.