2 Samueli 20:1 - Amazwi Yakwe Leza 2013

¹ Kwali kweneko kacita wa mpanzela wino yatemile izina iyati a Syeba, umwana wakwe Bikili, uwamu luko lwakwe Benjamini. Wene alizya intandala apunda ati, “Tusi ku lusansa lwakwe Davidi! Nupya tutakulondela umwana wakwe Yese! Mwe ina Izlaeli, si tuini tuswilile kumwitu!”

2 Samueli 20:1 ပူးပေါင်းရင်းမြစ်များ

Utandiko 46:21

Ana yakwe Benjamini aonsi yali a Bela, Bekeli, Asyibeli, Gela, Namani, Ei, Losyi, Mupimu, Hupimu na Alidi.

2 Samueli 15:10

Lyene atuma inkombe ku mitundu yonsi yamu Izlaeli ati, “Lino mwacamuvwa ukulila kwa ntandala, mukamanye ukuti Abusalomu waya umwene umu Hebuloni”.

2 Samueli 16:11

Alino Davidi anena Abisyai na aomvi yakwe yonsi ati, “Mwana wane umonsi akwezya ukunkoma, nga fwandi pacani cino mwemo mwazunguka vino umuntu wi uwamu luko lwakwe Benjamini akucita! Mwemo mutini sile. Mulekini alukutipwila, pano Yawe watamunena ukucita cico.

2 Samueli 16:7

Syimei atipwila Davidi ati, “Senka pano, senka pano, we mutazi wa katwe we! We mpulamasunde we!

2 Samueli 18:17

Alino iyatoola icala cakwe Abusalomu iyacisumbila mu ciwina icikulu umu mutengo nga iyatulika umutumba ukulu uwa mawe penepo. Aina Izlaeli yala yatiyasimula kumwao.

2 Samueli 20:2

Acino aina Izlaeli iyasoloka Davidi iyapita na Syeba umwana wakwe Bikili. Lelo antu yakwe Yuda yali ku lusansa lwakwe Davidi nga iyamulondela ukufuma ku Yodani mpaka nu ku Yelusalemu.

2 Samueli 20:22

Lyene umwanaci wilya aya ku antu yonsi amu musumba ulya nga ayanena umpandamano wakwe. Alino nayo iyaputula umutwe wakwe Syeba umwana wakwe Bikili nga iyausumbila apali Yoabu, ukucilusya ilinga. Alino Yoabu alizya intandala kuti ciye icimanyililo ku antu yakwe kuti yafuntuke ku musumba ulya, nga nayo iyaswilila kumwao. Yoabu nawe aswilila ku Yelusalemu ku mwene.

2 Samueli 23:6

Lelo antu asyacindika Leza yakoline ni myunga ino yasumbwa. Kusi umwi angezya ukuivuta ku minwe.

1 Yamwene 12:16

Lino antu yalola ukuti umwene Leoboamu wakana ukuti ayuvwe, nayo ali pakupunda yati, “Davidi na ang'anda yakwe kayaliyali. Uzye icani fwandi cino yatucitila? Mwe ina Izlaeli mwe sikatukini twapita kumwitu! Ata see! Mutini Leoboamu alali! Lyene we mwana wakwe Yese, nawe uilolele wemwisikulu pa akazi kako.” Acino aina Izlaeli iyakatuka nu kupita ku mang'anda yao.

1 Yamwene 21:10

Muce musolole penepo antu yaili, iviwelewele kuti yayo kwene ali yano yace yakize pa manso yakwe Naboti nu kumupeela umulandu wa kutuka Leza pamwi nu mwene. Lyene mumufumizye kunzi, alino mumutame na mawe kuti afwe.”

2 Milandu 10:16

Lino aina Izlaeli yonsi yalola ukuti umwene wakana ukuvwa kunoyali, nayo ali pakupunda yati, “Davidi nu lupwa lwakwe kayaliyali! Icani cino yatuombela? Mwe ina Izlaeli, katukini twapita kumwitu. Lekini Leoboamu alali.” Avino aina Izlaeli yamusangukile.

2 Milandu 10:6

Nawe umwene Leoboamu asyala auzya aikolo yano yapandanga umwene Solomoni amano ati, “Uzye antu yaa, ince injaasuke uli?”

Masamu 17:13

Katuka, we Yawe, ulungatane nayo nu kuyacimvya! Ntuule uku mwipe nu lupanga lwako.

Masamu 34:19

Ivikacula umuntu musuma ala ivingi wakwe cimwi. Lelo Yawe akamupususya kuli vyonsi sile.

Mapinda 25:8

Cino watuilolela we mweneco na manso yako, utakalauka ukutwala uku cilye, pano cingize cikuletele insonyi ndu muzo wiza wakusinila.

Mapinda 26:21

Vivi kwene vino amakala yakanyesuka, ni nkwi izyaka apa moto, ali vino umuntu wa lwete waya apa kulumilizya ivyongo.

Mako 3:24

Antu amu wene ndi yakatukilana aisikulu nu kuilwisya, uwene uo ulapaatukana.

Luka 19:14

Lelo, aikazi ya mpanga ino walimo yamupasile. Caleka yatuma inkombe pacisila cakwe kuti zikalande ziti, ‘Tusikulonda umuntu wii, kuti aye mwene witu.’

Luka 19:27

Lelo anisi yane yano atalondanga kuti inje mwene wao yaletini kuno nu kuyakoma pa manso yane.’”

Yoane 13:8

Petulo avwanga ati, “Utalinzile kufula ingazo zyane.” Yesu amunena ati, “Ndi ntafuzile ingazo zyako ale mu cumi usi wakwane.”

Malango 13:13

ukuti antu yamwi awelewele yatiyazunya akaya amu misumba iyo pakuti yatumikila tuleza tuze tuno mutatala mwapepa.

Yakapingula 19:22

Walanga aisikulu yacili yakuilyokezya, antu yamwi amu musumba ulya ankota iyalizizya ing'anda. Iyapuma ku cisasa, nga iyapunda sana ku mukote wilya yati, “Fumizya panzi umuntu wiyo uwataiza ukwako kuti tuulungane nawe.”

Yakapingula 3:27

Lino wafika kuku mu mpanga ya myamba yakwe Efulemu, alizya intandala kuti aame ivita vya ina Izlaeli ku kulwa. Lyene ayatungulula iyatentemuka umwamba pamwi nawe.

Luti 2:3

Acino Luti apita aya asotolezya monsi muno yatiyasinza mpiti. Lyene cizile icicitika wakwe vii, Luti aizana akusotolezya mu calo cakwe Boazi, uwamu luko lwakwe Elimeleki.

1 Samueli 13:2

Saulo wasolwile aonsi amazimbi yatatu ukufuma mu Izlaeli. Muli yakwene, antu amazimbi yaili yali pamwi nawe ku Mikimasyi nga nu ku Betele ku mpanga iya myamba, nga yauze izimbi lyonga yali na Yonatani ku Gibeya mu mpanga yakwe Benjamini. Antu yonsi asyala wayatumile iyaswilila kumwao.

1 Samueli 2:12

Ana aonsi yakwe Eli yali antu yaukakasi. Yene yatacindike Yawe.

1 Samueli 30:22

Lelo antu yamwi aipe nupya awelewele alondelanga Davidi yavwanga iyati, “Pamulandu wakuti yene yatapisile pamwi naswe, lyene naswe kwene tutakuyankanya icintu nanti conga pa visampwe vino twatitupokolola. Lelo nanti cingaya vivyo, cila muntu angasenda umuci wakwe na ana yakwe nga apite.”