2 Samueli 2:32 - Amazwi Yakwe Leza 2013

³² Yoabu na antu yakwe iyatola icala cakwe Asaeli iyaya iyacizika mwi lindi lya aluko lwakwe ku Betelemu. Lyene iyapita usiku onsi suka iyafika ku Hebuloni pa macaca.

2 Samueli 2:32 ပူးပေါင်းရင်းမြစ်များ

Utandiko 47:29

Lino Yakobo walola insita ya mfwa yakwe yapalama atuma uwakuya ama Yosefu umwana wakwe umonsi. Nga lino Yosefu wafika kunoli, Yakobo amunena ati, “Ndi wantemwa, pisya makasa yako mu mpamba zyane alino ulape mulapo ukuti ndi naca nafwa utalanzika muno mu Eguputo.

Utandiko 47:30

Nkulonda kuti uce ukanzike kuno kwazikwa ivikolwe vyane. Ukamfumye muno mu Eguputo nu kuya nzika ku matawa ukwalala ivikolwe vyane.” Yosefu aasuka ati, “Endi, ndacita wakwe vino walanda.”

2 Samueli 2:31

Antu yakwe Davidi walanga yatiyakoma antu yakwe Abineli, aina Benjamini yano yali imyanda itatu na makumi mutanda

2 Samueli 5:1

Lyene antu amu mitundu yonsi iya ina Izlaeli yiiza kuli Davidi ku Hebuloni nga yavwanga yati, “Sweswe namwe twaya awazi onga.

2 Milandu 16:14

Yaile iyamuzika umwi lindi lino umwisikulu walanga wateyanya mpiti, umu Musumba wakwe Davidi. Apa kumuzika yamupasile ivimuti nga na mafuta acinunu cisuma. Apa ndosya yakwe iyapemba ni cininkwa ca moto icikulu sana.

2 Milandu 21:1

Lyene umwene Yeosafati afwa, nga yamuzika mu musumba wakwe Davidi ku nzisi ya vikolwe vyakwe. Alino Yolamu umwana wakwe umonsi amupyana apa wene.

Mapinda 22:29

Ndi cakuti wemo walola penepo umuntu umwi umu cincile umu milimo, wiyo kwene ali wino alinzile ukuombela yamwene, asi wakuombela antu asilesile foo.

Yakapingula 8:32

Gidyoni, umwana wakwe Yoasyi, akota pa myaka isuma. Asuka afwa, iyamuzika mwi cele lyakwe isi Yoasyi, ku Ofula, umusumba wa luko lwakwe Abiezeli.

1 Samueli 17:58

Saulo auzya Davidi ati, “Mulumendo, uzye so aweni?” Davidi nawe aasuka ati, “Nene mwana wa muomvi wako Yese uwaku Betelemu.”