2 Samueli 2:14 - Amazwi Yakwe Leza 2013

¹⁴ Abineli pali pakunena Yoabu ati, “Leka tusolole aonsi yamwi ukufuma muli cila umba kuti yalwe wa vita.” Yoabu nawe amuzumilizya ati, “Icisuma.”

2 Samueli 2:14 ပူးပေါင်းရင်းမြစ်များ

2 Samueli 2:15

Acino aonsi ikumi na yaili ukufuma mu mutundu wakwe Isyibosyeti, umwana umonsi wakwe Saulo, nu mu mutundu wakwe Benjamini, iyalwisya aonsi ikumi na yaili ukufuma mu antu yakwe Davidi.

2 Samueli 2:16

Cila muntu avuta umutwe wa muntu wino yamalwa nawe, nga amutota ni sumo lwa mumbazo, cakuti yonsi kwene amakumi yaili na yani iyapona pansi, iyafwa pali pamwi. Acino incende ilya mu Gibyoni ikaamwa ukuti Helekati Hazulimu.

2 Samueli 2:17

Lyene kwakatwike inkondo ikakate. Abineli na ina Izlaeli iyayacimvya ku antu yakwe Davidi.

2 Yamwene 14:8

Alino Amaziya umwene waku Yuda atuma inkombe kuli Yeoasyi umwana wakwe Yeowazi, nupya umwizikulu wakwe Yeu umwene waku Izlaeli, amunena kuti amusosye apa kuvwanga ati, “Iza kuno tupezyanye nawe.”

Mapinda 10:23

Iciwelewele cene cikazangila mu kuluvyanya, lelo uku muntu akauvwikisya ningo ivintu akazangila mu mano.

Mapinda 17:14

Ukutandika ukuloolola umulandu ali kuleta mulamba. Fwandi, lesya ukuloolola lino kutacili kwatampa.

Mapinda 20:18

Uwatala upima amapange yako apa kuuzya yauze, utalwisya inkondo yako we mweneco, apa kutungululwa na mano yako.

Mapinda 25:8

Cino watuilolela we mweneco na manso yako, utakalauka ukutwala uku cilye, pano cingize cikuletele insonyi ndu muzo wiza wakusinila.