2 Samueli 2:13 - Amazwi Yakwe Leza 2013

¹³ Yoabu wino nyina wali a Zeluya, pamwi na aomvi yauze yakwe Davidi iyayakomenkanya pa ciziya caku Gibyoni. Ali vino lyene yonsi iyikala pansi, iumba lyonga kuno mbalama ni umba lyuze ku mbalama yuze.

2 Samueli 2:13 ပူးပေါင်းရင်းမြစ်များ

2 Samueli 2:18

Ana yatatu aonsi yakwe Zeluya yaa akuno yali: Yoabu, Abisyai, na Asaeli. Asaeli uwakweti ulwilo wakwe mpombo

2 Samueli 20:23

Yoabu wali akatungulula wa vita vya ina Izlaeli. Benaya umwana umonsi wakwe Yeoyada wali a kangalila wakwe yakalinda yakwe Davidi.

2 Samueli 20:8

Lino yafika pa ciliwe icikulu umu Gibyoni, Amasa ayakomenkanya. Yoabu ala watazwala ivyakuzwala vya nkondo, nu lupanga ala luli mu cituwo caluko icinyepelelwe ku musipi wakweco. Nga lino akuya pa nkolelo, ulupanga ilusomoka lupona.

2 Samueli 23:24

Asaeli umwina wakwe Yoabu wali awenga uwamu vita vivi amakumi yatatu: Elianani umwana umonsi wakwe Dodo, uwaku Betelemu.

2 Samueli 8:16

Yoabu, wino nyina wali a Zeluya, wali a musika mukulu uwa vita. Yeosafati umwana umonsi wakwe Ailudi wali a kalemba wa vicitwa.

1 Yamwene 1:7

Adoniya alanzyanya na Yoabu umwana wakwe Zeluya nga na Abyata simapepo, nga nayo iyalemana nawe pa kumutungilila.

1 Yamwene 2:5

“Akuno cili icintu nacuze kwene icisi cakwilila. Wiusye vino Yoabu umwana wakwe Zeluya wacisile kunondi, pakukoma yamusika akalamba ya vita vya ina Izlaeli, Abineli umwana umonsi wakwe Neli na Amasa umwana umonsi wakwe Yeteli. Wene wayakomile umu nsita ino kwali umutende apakucita icilanduzi pa mfwa zino yene yalenzile kuti zicitike mu nsita ino kwali inkondo. Wene wakomile antu yano yataali nu mulandu, nga nani nazwala umulandu pali vino wacisile nupya nkuculila mwenemo.

1 Milandu 11:6

Davidi avwanga ati, “Umuntu wino alatandikila penepo ukukoma umwina Yebusi alaya musika mukulu uwa vita.” Lyene Yoabu, wino nyina wali a Zeluya, uwatungulwile aina Izlaeli ku ulwi, nga aya amusika mukulu uwa vita.

1 Milandu 2:16

Yakaci yao yali a Zeluya na Abigelo. Ana aonsi yatatu yakwe Zeluya a Abisyai, Yoabu na Asaeli.

1 Milandu 27:7

Asaeli umwina wakwe Yoabu, uwali intunguluzi mu mwezi wakwe cini, nga Zebadiya umwana wakwe umonsi uwamupyanyile. Mu mpuka yakwe mwali ivita ukulingana 24,000.

Yelemiya 41:12

yakatusya antu yao yonsi pyu ukuyalwisya Isumeli umwana wakwe Netaniya. Yamuzana uku cilambe cikalamba caku Gibyoni.

1 Samueli 26:6

Davidi ali pakuuzya Aimeleki umwina Hiti na Abisyai umwana wakwe Zeluya uwali umwina wakwe Yoabu, ati, “Uzye aweni amaya pamwi nani kuli Saulo umu nkambi?” Abisyai aasuka ati, “Anene namapita nawe.”