2 Samueli 19:7 - Amazwi Yakwe Leza 2013

⁷ Acino lyene pitanga ukakomelezye antu yako. Nalapa umwi zina lyakwe Yawe ukuti ndutangacita cico, ale mutondo akatondo yonsi kwene yalakusoloka. Cii, ciliipisya kunuli ukuluta imipamba yonsi iyakucitikile mu manda ya umi wako yonsi.”

2 Samueli 19:7 ပူးပေါင်းရင်းမြစ်များ

Utandiko 34:3

Lelo nanti wacisile vivyo wali nu lwiswa pali Dina umwana wakwe Yakobo. Watemilwe mukazyana nga atandika ku mulanzya na mazwi yakumulyongofya.

2 Samueli 19:6

Wemo ukakanya yao akutemwa nupya ukawila ku lusansa lwakwe yao akupata! Walanga apaswe ukuti yamusika akalamba ya vita pali pamwi na antu yao yasi cimwi kunuli. Natindola ukuti wemo cingakuzanzya sana ndi cakuti Abusalomu wali umupuma nga lelo swensi ale twafwa.

Mapinda 14:28

Ucindami wa mwene wimilila pa wingi wa antu yakwe. Lelo ukucepelwa kwa antu ukukawisya kateeka.

Mapinda 19:15

Ukasu ukalalikizya umuntu umutulo utukalamba, nga nu muntu umukasu alafwa uku nzala.

Ezaya 40:1

“Tekezyini antu yane imyenzo. Si angala muyatekezye! Avino Yawe walanda.

Oseya 2:14

Caleka, namalyombeleka umwanaci wiyo, namapita nawe ku lwanga nu kulanda nawe mu mazwi amutembo.