2 Samueli 19:28 - Amazwi Yakwe Leza 2013

²⁸ Akazi kakwe tata cayalinga ukukomwa, lelo nemo wampiile insambu iya kulya api tebulo lyako. Nupya insi ni nsambu iya kukulenga kuti inje nu longo naluze ukufuma kunuli, we mwene wakwisaci.”

2 Samueli 19:28 ပူးပေါင်းရင်းမြစ်များ

Utandiko 32:10

Luse lwako ni cumi cino walanga kunondi vitandinzile ne muzya wako. Pakwiza nalamvile Luzi lwa Yodani ni ntuwa itupu, lelo ndakai nawela na maumba yaili.

2 Samueli 14:17

“Nupya natinelenganya ukuti amazwi ya musambazi yangantekezya umwenzo, pano we musambazi uli wa mungeli wakwe Leza. Wamanya ivintu vyonsi nupya ungalekanya pakasi ka visuma ni nkota. Si Yawe Leza wako aye nawe.”

2 Samueli 14:20

Nga lelo cino wacitile vyonsi vii, pakuti angalolola ivintu vyonsi muno vingacitikila pamulandu wakuti wemo wacenjela wa mungeli wakwe Leza. Wemo wamanya ivikacitika umu mpanga ii.”

2 Samueli 15:26

Lelo ndi wene atazangile munondi, lyene cili kunoli, ukuncitila consi icingamuzipila.”

2 Samueli 16:3

Umwene auzya ati, “Uzye Mefibosyeti, umwizikulu wakwe Saulo umusambazi wako ali kwi?” Ziba nawe aasuka ati, “Akwikala umu Yelusalemu pamulandu wakuti wene atakutwisika ukuti aina Izlaeli yamawezezya kunoli uwene wakwe Saulo, uwali a sikulu.”

2 Samueli 19:29

Umwene aasuka ati, “Vino walanda vyavula. Nemo natimpingula ukuti wewe na Ziba mulankana impanga yakwe Saulo.”

2 Samueli 9:10

Wewe apali pamwi na ana yako aonsi nga na aomvi yako mulinzile mwamulimila impanga nu kukoozya ivyakulya, pakuti umwizikulu wa musambazi wako asungwa ningo. Lelo Mefibosyeti, umwizikulu wa musambazi wako, amaimulwanga api tebulo lyane lyonsi kwene.” (Ziba wakweti ana aonsi ikumi na yasano.)

2 Samueli 9:13

Avino Mefibosyeti watenzi umu Yelusalemu, ala akwimulwa lyonsi kwene api tebulo lya mwene.

2 Yamwene 8:3

Apacisila ca myaka cinimbali, umwanaci wilya ali pakuweluluka ku mpanga ya ina Filisti. Alino aya umu kuuzya umwene apakuti yamuwezezye ing'anda yakwe ni calo cakwe.

1 Samueli 26:16

Icintu cino watucita citazifile. Nalapa umwi zina lyakwe Yawe waumi ukuti wewe pamwi na antu yako mwensi mulinzile ukufwa, pamulandu wakuti mutacingilile umusambazi winu wino Yawe wasolola ukuya umwene. Lola! Isumo lya mwene lili kwi? Nga intungo ya manzi ino yali ku mitwe ili kwi?”