2 Samueli 19:24 - Amazwi Yakwe Leza 2013

²⁴ Lyene Mefibosyeti, umwizikulu wakwe Saulo, atentemuka ku kwizakomenkanya umwene. Wene atafulile ku ngazo nanti ukupela ivilezu nanti ukufula ivyakuzwala vyakwe ukufuma sile lino umwene wafumile umu Yelusalemu mpaka ukufika lino wawelulwike nu ucimvyo.

2 Samueli 19:24 ပူးပေါင်းရင်းမြစ်များ

2 Samueli 12:20

Lyene Davidi akatuka pansi, aya mu kufulala, asakula ni nyele zyakwe ningo, nga azwala ni vyakuzwala vyuze. Alino aya ku ng'anda yakwe Yawe atandika nu kupepa. Lino waweluluka ukwi sano ukwakwe, alenga icakulya nga zuwazuwa lino yamwimula alya nu kulya.

2 Samueli 15:30

Lelo Davidi atwalilila ukutumbela Mwamba wa Miolivi, ala akulila lino akuya. Ku mutwe wakwe ala kwati kuvimbwa lelo ku ngazo atazwite cimwi. Antu yonsi ali nawe nayo kwene iyavimba ku mitwe yao, ala yakulila lino yakupita.

2 Samueli 16:3

Umwene auzya ati, “Uzye Mefibosyeti, umwizikulu wakwe Saulo umusambazi wako ali kwi?” Ziba nawe aasuka ati, “Akwikala umu Yelusalemu pamulandu wakuti wene atakutwisika ukuti aina Izlaeli yamawezezya kunoli uwene wakwe Saulo, uwali a sikulu.”

2 Samueli 9:11

Lyene Ziba anena umwene ati, “Ne muomvi wako namacitanga vyonsi vino we mwene wampeela ilamulo kuti ncite.” Acino Mefibosyeti walyanga api tebulo lya mwene Davidi wa mwana wenga pa ana ya mwene.

1 Yamwene 2:8

“Namuze a Syimei umwana umonsi wakwe Gela, uwamu mutundu wakwe Benjamini uwaku Baulimu, uwa ntipwizile lino natentemukile ku Maanaimu. Lino watentemwike ku kwizankomenkanya ku Yodani, namulavile umwi zina lyakwe Yawe ukuti ntalalenga kuti afwe.

Kufuma 19:10

Alino Yawe anena Mose ati, “Yanga kanene antu ukuti ilelo na mutondo yaisangulule nu kuiteyanyizizya ku mapepo. Yene yalinzile ukufula vyakuzwala vyao.

Ezaya 15:2

Aina Diboni ali pakutumbela umulundu nu kuya ku ncende ya kupepelamo, akuno yalosezya. Pali pakulilila Nebo na Medina, imisumba yao. Pa nsita iyo ala yatiyapela inkuzu uku mitwe, ni vilezu pakulanga ulanda nu kulilizika.

Yelemiya 41:5

kwizile kweneko aonsi amakumi cinani ukufuma ku Syekemu, uku Syilo nu ku Samaliya. Ala yatiyapela ni vilezu, yatiyalepola insalu zyao nu kuicembola imiili monsi monsi. Yasenzile vyakutuula uwila ni vyakusukilizya ivyakutwala ku Ng'anda ikulu yakwe Leza.

Mateo 6:16

“Nupya lino mukuizilizya ukulya mutaya wa asomvi, akanyomeka mausyu yao pakuti antu yamanye vino yati yaizilizya ukulya. Cumi namunena nati, yene yapokelela cilambu cao.

Loma 12:15

Muzange pamwi na yao akuzanga, losyini pamwi na yao akulosya.

Ayebulai 13:3

Mwaiusya anyepwe, nupya mwayasakamala kwati mwanyepwa nao mu ng'anda yaminyololo. Mwaiusya yao akucula nupya mwayasakamala kwati namwe kwene mukucula ndi vino yakucula.