2 Samueli 19:22 - Amazwi Yakwe Leza 2013

²² Lelo Davidi anena Abisyai na Yoabu umwina wakwe ati, “Uzye aweni uwatamuzya mumunene ilangulusi linu? Uzye mukasi ukundetela intazi? Ndakai nene indi mwene wa ina Izlaeli, nga kusi umwina Izlaeli amakomwa ilelo.”

2 Samueli 19:22 ပူးပေါင်းရင်းမြစ်များ

2 Samueli 16:10

Lelo umwene anena Abisyai na Yoabu umwina wakwe, ati, “Icintu cii citamupazi, mwe ana yakwe Zeluya. Ndi wene akuntipwila pamulandu wakuti Yawe watamunena ukucita cico, uzye lyene aweni akweti insambu zya kuuzya umulandu cino akucitila cico?”

2 Samueli 16:5

Lino umwene Davidi akupalamila ku Baulimu, umuntu umwi ukufuma mu luko ululi lumwi nu lwa akazi kakwe Saulo aiza ukufuma kuku. Izina lyakwe wali a Syimei umwana umonsi wakwe Gela, ala akumutipwila lino akufuma.

2 Samueli 16:9

Alino Abisyai umwana wakwe Zeluya anena umwene ati, “We mwene wakwisaci, uzye pacani cino waleka simbwa wi akutuka? Si leka nje panoli imuputule umutwe.”

2 Samueli 3:39

Nanti angala nene indi mwene umusololwe, umwi lelo pasi vino namacita. Ana yaa aonsi yakwe Zeluya akakasi sana. Yene yatiyampezya amano. Si Yawe ale alandule pali vino antu yaa yatiyacita.”

Ezaya 16:5

Alino umu kutemwa amuno icilimba ca wene cilateekwa ningo. Umu cumi paliza pikale wenga, uwamu akazi kakwe Davidi, wiyo uwasakamalisya ulungami nu kuzangila ukucita vyaololoke.

Mateo 8:29

Yakomanya Yesu, nga yapunda yati, “Yesu, we Mwana wakwe Leza, uzye ukulonda cani kunotuli? Uzye wati wiza kuno kuti utucuzye lino kasita katali kafike?”

1 Samueli 11:13

Lelo Saulo aasuka ati, “Kusi nanti wenga angakomwa umu wanda wilelo, pano apilelo Yawe watakulula aina Izlaeli.”

1 Samueli 26:11

Lelo nemo Yawe wandesya ukukoma umuntu wino wene wasolola ukuya umwene. Wemo senda sile isumo lyakwe lino asimfile pipi nu mutwe wakwe nga ni ntungo ya manzi, nga twapita.”

1 Samueli 26:8

Alino Abisyai anena Davidi ati, “Ilelo Leza watapeela anisi yako umu makasa yako. Fwandi kantole isumo lyakwe kwene alino mutulinkanye mpaka lisimpe na pansi, apakuvwinta isumo lyane iila lyonga kwene. Nsikumutota iila lyakwe ciili, foo.”

1 Samueli 26:9

Davidi nawe aasuka Abisyai ati, “Utezya ukumukoma! Uzye aweni angazanza umuntu wino Yawe wasolola ukwaula kuti avunukwe?