2 Samueli 19:19 - Amazwi Yakwe Leza 2013

¹⁹ nga amunena ati, “We mwene wakwisaci, napapata unjelele pa kwifya kuno nifizye pa wanda uno wafumile umu Yelusalemu. Utampeela umulandu nanti ukwika icintu cii umu mwenzo wako nupya.

2 Samueli 19:19 ပူးပေါင်းရင်းမြစ်များ

2 Samueli 13:20

Lino Abusalomu kalume wakwe wamulola, amuuzya ati, “Uzye uwakwifya a Amunoni? Utezya unene umuntu nanti wenga pali cii. Wene akalume wako.” Acino Tamala aikala umukungumale umu ng'anda mwakwe Abusalomu kalume wakwe.

2 Samueli 13:33

Acino we musambazi umwene wane utataila impwelo iyakuti ana yako yonsi pyu yatiyafwa. Amunoni sile uwatafwa.”

2 Samueli 19:18

Iyalamba uluzi kuti yasukilile umwene na antu yakwe ku mbalama yuze nga nu kucita consi cino umwene akasi. Lino umwene akuiteyanya ukulamba, Syimei apona pansi inkolelo yakwe,

Masamu 32:2

Wasyuka umuntu wino Yawe asizanamo uyi munoli, wiyo atakwata intumpu mu mwenzo wakwe.

Masamu 79:8

Utatuvunuka apa uyi uno vikolwe vitu vyacisile. Ale swemo, utuyelele sile uluse, pano swemo amano yati yatupela.

Kasambilizya 10:4

Ndi ntunguluzi yakusokela, wemo utata incito, pano ukufuuka kungalenga kuti wemo welelwe ni vintu ivikalamba vino waluvyanya.

Ezaya 43:25

“Nene, endi nene kwene, anene nkafuta amaifyo inu, kuti ululumbi lwane luloleke. Nemo ntalatala mupele umulandu apa maifyo inu.

Yelemiya 31:34

Alino kutalaya nu kusundana foo. Umwi atalanena umuze nanti umwina ukuti amanye Leza, pano yalamumanya yonsi pyu ukutandikila ku mucepesye ukufika nu ku asambazi kwene. Pasi pano ndayayela uluse ku maifyo yao. Ntalatala nupya niusye amaifyo yao.” Ivyalanda Yawe.

Mpendwa 12:11

anena Mose ati, “Uwi cumi musambazi! Sutatuvunuka pa kwifya kuno twifya pa kutumpa kwitu.

Mateo 27:4

Lyene ayanena ati, “Nati nifya pa kukoopa umuntu uwakaele kuti afwe.” Nao yamunena yati, “Uzye cico cingatusakamika? Wewe umanye vyakucita.”

2 Kolinto 5:19

Cino tukusenula cakuti Leza akupanga mutende pakasi kakwe na antu muli Klistu. Nupya wene watupela mulimo uwa kusalanganya ilandwe ilya kupanga mutende.

1 Samueli 22:15

Uzye ilelo alino natandika ukumuzizya kuli Leza ivyakuti acite? Awe cisi vivyo! Cipelele ukutali kuti umwene ampeele umulandu nanti ukupeela ali wensi uwa kazi kakwe tata. Pano ne muomvi wako ntamanyile icintu nanti cimwi pali cii!”

1 Samueli 25:25

Mukwai napapata, ala we musambazi utasumba amano kuli Nabali, umuntu wilya uwa lukang'ansi. Wene iciwelewele ndi muno izina lyakwe lyalola. Ni micitile yakwe iya uwelewele! Lelo nemo ne muomvi wako, we musambazi, ntalimbweni antu yano wali watuma.

1 Samueli 26:21

Lyene Saulo avwanga ati, “Natinifya. Wela kuno, we Davidi mwanane. Pamulandu wakuti ilelo wemo waliwasakamala umi wane, nani ntakutala nezye ukucita cimwi iciipe kunuli nupya. Cumi kwene nemo nincita uwelewele nupya ninduvyanya sana.”