2 Samueli 18:27 - Amazwi Yakwe Leza 2013

²⁷ Kalinda wa mpongolo nawe avwanga ati, “Nkulola kwati uwankolelo akusimula wakwe Aimaazi umwana umonsi wakwe Zadoki.” Umwene avwanga ati, “Wene umuntu musuma, nupya aizile tunena ilandwe ilisuma.”

2 Samueli 18:27 ပူးပေါင်းရင်းမြစ်များ

2 Samueli 18:26

Lyene kalinda wilya alola umuntu namuze akusimula nga apundilila kalinda wa mpongolo ati, “Lola, umuntu namuze awiya akusimula wenga!” Umwene amunena ati, “Nawe kwene limwi akwiza ku kutunena ilandwe ilisuma.”

1 Yamwene 1:42

Lino atacili amalile ukulanda, Yonatani umwana wakwe simapepo Abyata afika. Adoniya nawe avwanga ati, “Iza nduwingile muno. Wewe muntu umusuma. Ulinzile utuletele ilandwe lisuma.”

2 Yamwene 9:20

Nupya kalinda uwali pa lupungu alaizya ati, “Inkombe yatifika kunoyali mpiti, lelo nayo kwene isikuwela awe. Intunguluzi yi umba lili ikupisya iceleta kwati acipena, ndi vivi kwene vino Yeu umwana wakwe Nimisyi akapisya.”

Mapinda 25:13

Ivyaya ukuzuka kwakwe cuma umu nsita yakusinza, ali vino inkombe yacisinka yaya kuli wiyo aitumile. Pano ikakolopezya umwenzo wa musambazi wakwe.

Mapinda 25:25

Ukuvwa ilyasi lisuma ukufuma uku mpanga ntali, cili wa kumwa manzi azuuke ku muntu ali nu lusala.

Ezaya 52:7

Iye mwe, vino ingazo zya nkombe yi landwe lisuma zyayemba lino akutelemuka ukufuma ku myamba. Waleta ilandwe lya longo ni nsansa. Wasowela ukuluzi nu kunena Zioni vino Leza wakwe akuteeka.

Loma 10:15

Uzye yangakosolelwa uli ndi umwi atatumilwe? Ndi vino calembwa mu malembelo cati, “Lolini vino cazipa kulola ingazo zyakwe yao akwiza ku kukosola Ilandwe Lisuma!”