2 Samueli 18:2 - Amazwi Yakwe Leza 2013

² Lyene Davidi atuma ivita mu maumba yatatu iyapita pamwi na Yoabu na Abisyai umwina wakwe Yoabu na Itai uwaku Gati, cila muntu atungulula iumba lyonga. Nga umwene anena antu yakwe ati, “Namapita namwe nene kwene nemwisikulu.”

2 Samueli 18:2 ပူးပေါင်းရင်းမြစ်များ

2 Samueli 17:11

“Umpandamano wane uwakuti wewe wemwisikulu ule ukonganike aina Izlaeli yonsi pali pamwi, ukufuma sile ku mpanga yakwe Dani ukufika nu ku Belisyeba kwene, yano yavula wa musensenga uwamu nkumba yakwe yemba. Alino lyene wewe kwene uyatungulule ku ulwi.

2 Samueli 21:17

Lelo Abisyai umwana wakwe Zeluya aiza atuula Davidi. Azanza umwina Filisti wilya nu kumukoma. Lyene antu yakwe Davidi aonsi iyaleka kuti Davidi alaye nu mulapo ukuti atalatala aye nayo nupya ku ulwi. Yavwanga yati, “Wewe uli upaalilo wa ina Izlaeli, nupya tutakasi ku kuponzya.”

2 Samueli 23:18

Abisyai umwina wakwe Yoabu, umwana umonsi wakwe Zeluya wali umukalamba wa vita makumi yatatu. Wene wakomile antu imyanda itatu ukwi sumo lyakwe pa ulwi onga. Lyene alumbuka wa antu yalya yatatu.

2 Samueli 8:16

Yoabu, wino nyina wali a Zeluya, wali a musika mukulu uwa vita. Yeosafati umwana umonsi wakwe Ailudi wali a kalemba wa vicitwa.

1 Yamwene 2:28

Lino Yoabu uvwa icacitike, apuukila kwi Taalu lyakwe Yawe nga alemelela ku mpembe zya kavuwa. Yoabu ali wino yumine akapi na Adoniya, lelo atacisile cico na Abusalomu.

Masamu 3:6

Ntange noope anisi amazimbi nyanya, ati yandizizya umu mbali zyonsi.

Yakapingula 7:16

Alino Gidyoni apalukanya antu yakwe imyanda itatu mu mpuka zitatu nga apeela intandala na kalweso umwaula cimwi kuli cila muntu, nga mukasi ya kako mwali sile ulwenge lwa moto.

Yakapingula 7:19

Gidyoni ni umba lyakwe umwanda onga yiiza ku lutwe lwa nkambi ilya pa nsita inono sile lino usiku pakasi utali ufike, ala asilika yauze yakalinda yacitandika sile uluti lwao. Lyene iyalizya intandala zyao nu kutama imisazi ilya iyali mu minwe yao.

Yakapingula 9:43

Caleka atoola ivita vyakwe, avyankanya mu mpuka zitatu, nga iyafisama mu vyalo, yala yakulolela. Lino Abimeleki walola antu yakufuma mu musumba, asokoloka ku kwiza yakoma.

1 Samueli 11:11

Vili vino umu usiku wa wanda ulya Saulo apaatula antu yakwe mu mpuka zitatu, nga uwanda uwalondelilepo, pa macaca iyasimwila mu nkambi ya anisi yao nu kukomola aina Amoni ukufika lino akasanya kakoma. Na yao apuswike iyasalangana, cakuti kutali antu akuti yapite yaili.