2 Samueli 17:25 - Amazwi Yakwe Leza 2013

²⁵ Abusalomu wasonsile Amasa kuti atoole cifulo cakwe Yoabu uwali musika mukulu uwa vita. Amasa wali umwana umonsi wakwe Yeteli umwina Isumeli. Na nyina wali a Abigelo, umwana umwanaci wakwe Naasyi uwali kaci muze wakwe Zeluya nyina wakwe Yoabu.

2 Samueli 17:25 ပူးပေါင်းရင်းမြစ်များ

2 Samueli 17:26

Aina Izlaeli pamwi na Abusalomu iyaya yakuula insakwe mu mpanga ya Gileadi.

2 Samueli 19:13

Davidi ayanena na mazwi kwene yaa kuti yanene Amasa yati, “Wewe wakazi kane. Ukutandika sile likwene, wemo nakulasika ukuya musika mukalamba uwa vita pa cifulo cakwe Yoabu. Si Leza andye, ndi cakuti ntacisile cii!”

2 Samueli 19:14

Amazwi yakwe Davidi iyalenga kuti aonsi yonsi amu Yuda yamuyele, nga nayo iyatuma akuyamunena kuti aweluluke na aomvi yakwe yonsi.

2 Samueli 20:4

Lyene umwene anena Amasa ati, “Ngamile aonsi amu Yuda uyakonganike pali pamwi nga yace yize kunondi pa wanda ulalondelela mutondo. Nawe kwene uce wize.”

1 Yamwene 2:28

Lino Yoabu uvwa icacitike, apuukila kwi Taalu lyakwe Yawe nga alemelela ku mpembe zya kavuwa. Yoabu ali wino yumine akapi na Adoniya, lelo atacisile cico na Abusalomu.

1 Yamwene 2:32

Yawe amavunuka Yoabu pa utazi wa katwe uno wene wacita, pamulandu wakuti wene wakomile antu yaili ku lupanga, ukwaula kuti tata Davidi amanye. Antu yayo yoili amulusile umu kucita ivisuma a Abineli umwana umonsi wakwe Neli nupya musika mukalamba uwa vita vya ina Izlaeli, na Amasa umwana wakwe Yeteli nupya musika mukalamba uwa vita vya ina Yuda.

1 Yamwene 2:5

“Akuno cili icintu nacuze kwene icisi cakwilila. Wiusye vino Yoabu umwana wakwe Zeluya wacisile kunondi, pakukoma yamusika akalamba ya vita vya ina Izlaeli, Abineli umwana umonsi wakwe Neli na Amasa umwana umonsi wakwe Yeteli. Wene wayakomile umu nsita ino kwali umutende apakucita icilanduzi pa mfwa zino yene yalenzile kuti zicitike mu nsita ino kwali inkondo. Wene wakomile antu yano yataali nu mulandu, nga nani nazwala umulandu pali vino wacisile nupya nkuculila mwenemo.

1 Milandu 12:19

Asilika yamwi amu mutundu wakwe Manase yalondela Davidi lino wizile pamwi na ina Filisti ku kulwisya Saulo. Lelo Davidi wene atayazwilizye ukulwa inkondo foo, pamulandu wakuti intunguluzi zya ina Filisti zyapandine amano, izinena na Davidi kuti afume kunoyali. Pano zyelenginye ukuti limwi wene angavukila ku lusansa lwakwe Saulo, uwali umusambazi wakwe mpiti. Acino yamunena ukuswilila ku Zikilagi.

1 Milandu 2:13

Yese wali a isi wakwe Eliabu, iyeli lyakwe nga wakwe ciili wali a Abinadabu, wakwe citatu wali a Syimea,