2 Samueli 17:14 - Amazwi Yakwe Leza 2013

¹⁴ Alino Abusalomu na ina Izlaeli yonsi yavwanga yati, “Umpandamano wakwe Husyai umwina Aliki wazipa ukuluta wakwe Aitofeli.” Pasi pano Yawe akweti ipange lya kuvulunganya umpandamano wakwe Aitofeli kuti alete uzanzo pali Abusalomu.

2 Samueli 17:14 ပူးပေါင်းရင်းမြစ်များ

Utandiko 32:28

Lyene umuntu wilya ati, “Izina lyako litalaya nupya Yakobo, pano watulwisyanya na Leza na antu, nga watucimvya. Caleka izina lyako ndakai waya Izlaeli.

2 Samueli 15:31

Lino Davidi yamunena ukuti Aitofeli wataitumpamo muli ucisanguka wakwe Abusalomu, wene apepa ati, “We Yawe, napapata leka umpandamano wakwe Aitofeli uye uwelewele.”

2 Samueli 15:34

Lelo ungangazwa ndi waswilila ku musumba nu kunena Abusalomu uti, ‘We mwene, namaya umuomvi wako. Mpiti nali umuomvi wakwe so. Lelo ndakai namakutumikilanga umufumacumi wakwe vino natumikilanga so,’ lyene ule wangazwa ukuvulunganya umpandamano wakwe Aitofeli.

2 Samueli 16:23

Mu manda yalya umpandamano uno Aitofeli wapeelanga wali ungati amazwi akufuma kuli Leza umwisikulu. Davidi na Abusalomu yoili kwene avino yaulolanga.

2 Milandu 10:15

Icalenzile ukuti umwene Leoboamu akane ukuvwa vino antu yalondanga apamulandu uno Yawe Leza walondanga ukufikilizyanga ivyasesime Aiya umwina Syilo pali Yeloboamu umwana umonsi wakwe Nebati.

2 Milandu 10:8

Ku cisyamo umwene Leoboamu asuula amano ya ikolo. Aya auzya alumendo yauze yano yakuzile pamwi na aliwe ayano yamupanda amano.

2 Milandu 25:16

Lelo lino acili akulanda, umwene amunena ati, “Uzye wewe twasonta kuti uye mpandamano wa mwene? Si tuzya sile! Ndi watwalilila namapeela ilamulo kuti ukomwe!” Acino kasema wilya ata ukulanda. Lelo avwanga sile amazwi yaa ati, “Manyile ukuti Leza wapanga ukukonona, pamulandu wakuti wacita icintu cii nu kukana ukutezya ku mazwi yane aku kupanzya amano.”

2 Milandu 25:20

Lelo nanti cali vivyo Amaziya atatezizye, pasi pano walanga Leza watapanga ukuyapela mu makasa yakwe Yeoasyi, pamulandu wakuti yene yapefile tuleza twa ina Edomu.

Neemiya 4:15

Walanga anisi itu yuvwa ukuti swemo twatitumanya vino yakwelenganya, yiluka nu kumanya ukuti Leza uwatavulunganya amapange yao. Fwandi ali vino yawelulwike. Nga naswe kwene ali vino cila muntu aswilila uku mulimo wakwe, uwi kuule li linga.

Yobo 12:17

Aliwe akavulunganya na mano ya ntunguluzi zya antu nu kulenga yakapingula yao amano yayapele.

Masamu 9:15

Ainamasi yatiyaponela umu viwina vino yimvile aisikulu. Ingazo zyao zyatizilemya umu nkose zino yatevile aisikulu.

Masamu 9:16

Yawe wataisokolola umwisikulu umu upinguzi wakwe ulungame. Watafyenenkezya aipe umu vicitwa vyao.

Kufuma 9:16

Lelo pakuti nkulange maka yane kuti uye umumi pakuti antu munsi yonsi yandumbanye.

Mapinda 19:21

Amapange yavulisya umu mwenzo wa muntu, lelo amapange ya Mwene yene yakafikiliziwa.

Mapinda 21:30

Amano, ukwiluka kwa vintu, nanti ukupandwa amano, vii vyonsi ivya ciwelewele sile ndi cakuti visikulola kuli vino Yawe akalonda.

Ezaya 8:10

Muiteyanye vino muli nu kucita. Lelo kwene pasi cino mulacita. Mutake vyonsi vino mungataka, lelo mukuicuzya sile. Pano swemo Leza waya naswe.

Nyimbo zya ndosya 3:37

Uzye aweni angalandapo cimwi nu kucitika cicitike, ndi cakuti Umwene aliwe atakasi?

Amosi 9:3

Ndi cakuti yangafisama papela ya mwamba wa Kalimeli, ndayalondalonda mpaka njaleme. Ndi cakuti yangafisama pansi pali yemba mukulu, ndapeela ilamulo ku cilyanyi camwenemo kuti ciyalume.

Luka 16:8

“Lyene mwene alumbanya kangalila uwali incenjezi pamulandu wakucenjela kwakwe, pano antu alondela vyamu nsi ii, amisango ili yonga, yacenjela kuluta antu yano yakapita mu luswepo lwakwe Leza.”

1 Kolinto 3:19

Pano cintu cino amu nsi yakwelenganya ukuti ica mano, cene uwelewele pa manso yakwe Leza. Cili ndi vino calembwa mu malembelo cati, “Leza akalema antu yamano mu ucenjezi wao.”

Malango 2:30

“Lelo Siooni umwene waku Hesyiboni atatuzumilizye ukupita ukusalala mu mpanga yakwe. Yawe Leza winu walenzile umwenzo wakwe uumalale nu kutalama pakuti amupeele mu makasa itu kuti tumucimvye nu kupoka impanga yakwe, ino napilelo tucili tukwikala mwenemo.

Yoswa 11:20

Cali ipange lyakwe Yawe kuti antu yalya yakomye imyenzo yao yacite ulwi na ina Izlaeli, pakuti wene ayalovye yonsi pyu ukwaula uluse, wakwe vino Yawe wapeezile ilamulo kuli Mose.