2 Samueli 16:7 - Amazwi Yakwe Leza 2013

⁷ Syimei atipwila Davidi ati, “Senka pano, senka pano, we mutazi wa katwe we! We mpulamasunde we!

2 Samueli 16:7 ပူးပေါင်းရင်းမြစ်များ

2 Samueli 12:9

Uzye pacani cino wasuuzile amasunde yakwe Yawe pa kucita ulukota wakwe luu pa manso yakwe? Walesile kuti Uliya umwina Hiti afwe umu nkondo pa kuleka aina Amoni yamukome nga utola nu muci kuti aye uwako!

2 Samueli 16:6

Syimei atandika ukutama Davidi na aomvi ya mwene yonsi amawe, nanti angala ivita vyonsi na yakalinda asololwe yali ku mbali zyonsi zyakwe Davidi.

2 Samueli 19:21

Lyene Abisyai umwana wakwe Zeluya avwanga ati, “Syimei alinzile kukomwa pamulandu wakuti wene watipwizile wiyo wino Leza wasolola ukuya umwene.”

2 Samueli 20:1

Kwali kweneko kacita wa mpanzela wino yatemile izina iyati a Syeba, umwana wakwe Bikili, uwamu luko lwakwe Benjamini. Wene alizya intandala apunda ati, “Tusi ku lusansa lwakwe Davidi! Nupya tutakulondela umwana wakwe Yese! Mwe ina Izlaeli, si tuini tuswilile kumwitu!”

2 Samueli 3:37

Acino pa wanda ulya antu yonsi na ina Izlaeli yonsi kwene yamanyile ukuti umwene atakumileko ku utazi wa katwe kuli Abineli umwana umonsi wakwe Neli.

1 Yamwene 21:10

Muce musolole penepo antu yaili, iviwelewele kuti yayo kwene ali yano yace yakize pa manso yakwe Naboti nu kumupeela umulandu wa kutuka Leza pamwi nu mwene. Lyene mumufumizye kunzi, alino mumutame na mawe kuti afwe.”

1 Yamwene 21:13

Lyene antu yaya yaili viwelewele yiza yikala ulunga na Naboti. Alino iyatandika kupeela Naboti umboni waufi papa kwene pa manso ya antu, yati, “Naboti watatuka Leza pamwi nu mwene.” Acino antu yalya yafumizya Naboti kunzi ya musumba, akuno yaya yamutama na mawe mpaka afwa.

Masamu 3:2

Yene yakalanda pali nene iyati, “Leza wene atange amwazwe awe.”

Masamu 5:6

Wemo ukaonona yayo akatumpoka. Yawe wapata inkomi na antu andimi ziili.

Masamu 51:14

Untuule uku mpanzela, Leza we katula wane. Alino nu lulimi lwane lumakulumbanyanga apa ulungi wako.

Masamu 55:3

Nemo nkuzakaza uku ntete, pamulandu ni ngofyo zya anisi yane. Alino nu kunzyuluka kuno aipe yakunzyuluka. Ali yano yakundetela amalanda. Yansokela nu kumpata yampata.

Masamu 55:4

Mwenzo wane pasi pantete, ni ngofyo zya mfwa zyatizintembola.

Malango 13:13

ukuti antu yamwi awelewele yatiyazunya akaya amu misumba iyo pakuti yatumikila tuleza tuze tuno mutatala mwapepa.

1 Samueli 2:12

Ana aonsi yakwe Eli yali antu yaukakasi. Yene yatacindike Yawe.

1 Samueli 25:17

Acino fwandi elenganya sile ningo, ulole cino ungacita penepo, pamulandu wakuti uzanzo wasya uponele umusambazi witu pamwi na ang'anda yakwe. Nabali wene uwalwiswa nupya asipindululwa cakuti citangazipa ukulandana nawe!”