2 Samueli 16:21 - Amazwi Yakwe Leza 2013

²¹ Aitofeli nawe aasuka ati, “Lala na aci yauze yakwe so yano wene wasile kuti yasunga isano. Lyene aina Izlaeli yonsi yalamanya ukuti so akukulola wa mwanisi kunoli, nga na yao akukulondela yalakomeleka wakwe cimwi.”

2 Samueli 16:21 ပူးပေါင်းရင်းမြစ်များ

Utandiko 34:30

Yakobo anena Simeoni na Levi ati, “Yanamwe, vino mwandetelela ku ina Kenani, aina Pelizi nga nu muntu wensi mu mpanga ii amampata. Swemo aonsi tuli ncepelwa. Ndi antu yaa yalemana pamwi kuti yanzanze, lyene ang'anda itu yonsi yamalowa.”

Utandiko 35:22

Lino Izlaeli acili akwikala mu mpanga ilya, Lubeni acita ulenzyo na Bilaa, wenga uwamu aci nayauze yakwe Isi. Izlaeli auvwa mulandu uu, akalipa cuze. Yakobo wakweti ana aonsi ikumi na yaili.

Utandiko 38:16

Yuda atamanyile ukuti anyinavyala. Acino apalama aya kumbali ya museo kunoli, amunena ati, Iza kuno, ndale nawe. Mwanaci wilya amuuzya ati, “Uzye umandipila cani?”

Utandiko 6:4

Lyene mu manda yalya nu mu manda alondelela kwali vipombolo vya antu pano nsi, vivyo ivyavilwe ku anaci atwitwe ku ana yakwe Leza aonsi. Yene yali ali antu yamaka, alumbuke.

2 Samueli 10:6

Aina Amoni iyiluka ukuti yatiyapanga uwanisi pakasi kao na Davidi. Pali pakutuma nu kulipila asilika kuti yize yayazwilizye. Asilika yapa ngazo aina Asilya ukufuma ku Beti Leobu nu ku Zoba yali amazimbi amakumi yaili, nayauze ukufuma ku Tobu yali amazimbi ikumi na yaili, nga ukwikapo nu mwene waku Maaka pamwi na antu yakwe izimbi lyonga.

2 Samueli 12:11

“Yawe wavwanga wati, ‘Inkulapa sana ukuti ndaleka umwi ukufuma mu akazi kako akuletele intazi. Indatoola aci yako nu kuyapeela ku monsi muze pa manso yako, nga nawe alalala nayo umusanya wakwe mba.

2 Samueli 13:5

Yonadabu nawe amunena ati, “Pitanga kalale pali bedi wako ukole kwati watulwala. Ndi cakuti yaso yiiza ku kukulola, wize uyanene uti, ‘Napapata munene Tamala awino aize andisya. Nkasi kuti anteyanyizizya icakulya mukwene ale nkumulola, nga lyene andisya.’ ”

2 Samueli 15:16

Alino umwene Davidi atenuka, na ang'anda yakwe yonsi yamulondela. Lelo wene asya sile aci yakwe yauze ikumi lyonga kuti yasunga isano.

2 Samueli 16:20

Abusalomu pali pakunena Aitofeli ati, “Uzye utange utupandeko amano, utunene ivyakuti tucite?”

2 Samueli 17:7

Husyai aasuka Abusalomu ati, “Pa nsita ii umpandamano uno Aitofeli watamupeela usi usuma.

2 Samueli 2:7

Kwatini amaka nu kuzyansya! Saulo umwene winu watafwa, nga antu yakwe Yuda yatiyampaka amafuta akunjika pa cilimba ca wene kuti inje umwene wao.”

2 Samueli 20:3

Lino Davidi wafika ukwi sano lyakwe umu Yelusalemu, atoola aci yakwe yauze ikumi lyonga yano wasile ukwi sano kuti yalisunga, nga ayayalila mu muputule wa ng'anda, yala yakulindwa. Wene ayapeela vyonsi vino yalondanga, lelo atalambalile nu kumanyana nayo. Yene yayalilwe mumu kwene amanda ya umi wao yonsi, yala yakwikala wakwe yamukamfwilwa.

1 Yamwene 11:25

Fwandi Lezoni yapusananga sana na ina Izlaeli apa nsita ino Solomoni acilipo, wakwe vino Hadadi wacitanga.

1 Yamwene 2:17

Acino nawe atwalilila ukulanda ati, “Napapata nguzizye kweneko ku mwene Solomoni, pano ndi cakuti wewe wamuzya, asikukana foo. Nemo nkulonda ampeele Abisyagi umwina Syunemu kuti aye umuci wane.”

1 Yamwene 2:22

Umwene Solomoni aasuka nyina ati, “Uzye pacani cino ukulenga kuti Abisyagi umwina Syunemu atwalwe kuli Adoniya? Limwi ungalengela Adoniya nu wene kwene, pano wene a tatalenzi nupya wene ali ku lusansa longa na simapepo Abyata nga na Yoabu umwana wakwe Zeluya.”

Aina Levi 18:8

Utazewanya so pakulongozya na aci yakwe yauze.

Aina Levi 20:11

Monsi wensi wino walongozya na wenga uwamu aci yakwe isi, ala wazewanya isi. Oili umonsi nu mwanaci yalinzile ukukomwa. Ala yaikoma aisikulu.

Zakaliya 8:13

Mwe antu amu Yuda mwe, na mwe ina Izlaeli mwe! Mpiti ainamasi yatolanga izina linu, alino iyalumbula pakutipwila antu yauze, ala yakuti, ‘Mwe anisi mwe, cakumulya caula, wakwe cici calile Ayuda na ina Izlaeli!’ Lelo nemo ndamutuula, na inamasi lyene yamamoopanga. Si mungala mwalukupolelewa ndi vikwene ivyapolelelwa Ayuda na ina Izlaeli! Caleka mwemo posyini sile, mutaoopa foo.”

1 Kolinto 5:1

Ndakai, cikuvwika vino munomuli, muli ulenzyo uwipisye cuze kuluta uno antu atataila yakacita. Nuvwa ukuti umuntu akamanyana nu muci wakwe isi!

1 Samueli 13:4

Aina Izlaeli yonsi iyanenwa ukuti Saulo watacimvya inkambi ya ina Filisti, nu kuti aina Izlaeli lyene iyapatikwa wakwe cimwi ku ina Filisti. Acino antu iyazumila ulwamo ulwakuya ku Giligali pamwi na Saulo.

1 Samueli 27:12

Akisyi wataile sana Davidi nga aelenganya ati, “Davidi wataisausya sile ku antu yakwe aina Izlaeli, cakuti wene amaya umuomvi wane amanda pe.”