2 Samueli 15:8 - Amazwi Yakwe Leza 2013

⁸ Lino nikalanga ku Gesyuli umu Alamu, nalavile Yawe inti, ‘Ndi cakuti we Yawe waca wanswilizya ku Yelusalemu, ale lyene indaya nkakupepe ku Hebuloni.’ ”

2 Samueli 15:8 ပူးပေါင်းရင်းမြစ်များ

2 Samueli 14:23

Lyene Yoabu akatuka aya ku Gesyuli aya awezya Abusalomu ku Yelusalemu.

2 Samueli 14:32

Abusalomu nawe aasuka ati, “Pamulandu wakuti utizile lino natumile uwa kwizakwama pakuti nkutume ku mwene ku kumuuzya uti, ‘Uzye pacani cino nemo nafumile ku Gesyuli nu kwiza kuno? Cange cizipe inikala kuku kwene.’” Abusalomu atwalilila ukuvwanga ati, “Acino lyene nkasi ukulolana nu mwene, nga ndi cakuti indi nu mulandu umwi, ale lyene cingazipa kuti ankome.”

2 Samueli 15:9

Umwene nawe aasuka ati, “Pita ulumi.” Acino nani palipakuya ku Hebuloni.

2 Samueli 3:3

Wakwe ciili wali a Kileabu, wino nyina wali a Abigelo, uwatwitwe ku muyazi Nabali, uwaku Kalimeli. Wakwe citatu wali a Abusalomu wino nyina wali a Maaka umwana umwanaci uwa mwene Talimai umwene waku Gesyuli.

Masamu 56:12

We Leza nemo namakupeela vyonsi vino nakulavile. Namakutula uwila wane uwakukutaizya,

Kasambilizya 5:4

Acino ndi mwalaya kuli Leza, mulinzile kufikilizya zuwa. Pano Leza atatemwa antu viwelewele. Fikilizini vyonsi vino mwalaya ukucita.

Ezaya 28:15

Mwemo mukuyuvwa ukuti mukauvwana ni mfwa, mukuti mwapangana ni mpanga ya afwe. Mwemo mwasininkizya ukuti lino icinkunka ciliza, mwemo citalamukuma foo. Pano mwikalilila sile ufi nu ucenjenzi apakuti ali vino vyamupokololako.

Yelemiya 42:20

Namunena nati ndi cakuti mwala mwaluvyanya, ale mwailetelela, mwasumba sile umi winu. Alino nukuya, amwemwe mwantumile kuli Yawe Leza winu kuti inje mupapatile kunoli nu kuti ince munene na consi cino alavwanga, nga nu kuti muce mucicite.

Yoswa 24:15

Lelo ndi mutakasi ukutumikila Yawe, lyene sololini ilelo kwene wino mumatumikilanga, nga cakuti a tuleza tuno ivikolwe vinu vyatumikilanga ku mbalama ya Luzi lwa Yodani, nanti tuleza twa ina Amoli, yano pali ndakai mukwikala mu mpanga yao. Lelo nemo na amu ng'anda yane, tumatumikilanga Yawe.”

1 Samueli 1:11

Hana alapa nu mulapo, ala akuti, “Iye we Yawe Wamaka yonsi, ndi cakuti walolekesya pa ulanda wane ne muzya wako, wanguvwila inkumbu, utanjilile ne muomvi wako lelo wampeela sile umwana umonsi, nani ala ndamupeela sile kunuli we Yawe pa manda yonsi yano alikala pano nsi, nu ku mutwe wakwe kutalatala kupelwe inyele.”

1 Samueli 16:2

Lelo Samueli nawe avwanga ati, “Uzye ningaya kweneko uli? Saulo nga wanguvwile kweneko, wene alankoma.” Yawe nawe amunena ati, “Senda umwana wa ng'ombe, indama, uye ukalande uti wiza ku kupeela impolelwa kuli Yawe.