2 Samueli 15:32 - Amazwi Yakwe Leza 2013

³² Lino Davidi wafika apapela pa mulundu, pa yelile incende iya kupepela Leza, cuza wakwe mutailwe, uwi zina lyakwe Husyai umwina Aliki amukomenkanya. Ale ivyakuzwala vyakwe ivilepoke nga nu lukungu luli ku mutwe.

2 Samueli 15:32 ပူးပေါင်းရင်းမြစ်များ

2 Samueli 1:2

Pa wanda uwalenga yatatu ikwiza umuntu umwi ukufuma ku nkambi yakwe Saulo, ala azwite ivyakuzwala ivilepuke. Alino ku mutwe wakwe ala kuli swe ku lukungu. Lino wafika kuli Davidi apona pansi afukama nu kumukunkwila pa kulanga umucinzi.

2 Samueli 13:19

Tamala fwandi pali pakuipaka itwi ku mutwe pa kuilangizya ulanda uno wali nawo. Alepola ni laya lino wazwite, apanga na makasa pa mutwe nga atandika nu kulila ala akupita.

2 Samueli 15:30

Lelo Davidi atwalilila ukutumbela Mwamba wa Miolivi, ala akulila lino akuya. Ku mutwe wakwe ala kwati kuvimbwa lelo ku ngazo atazwite cimwi. Antu yonsi ali nawe nayo kwene iyavimba ku mitwe yao, ala yakulila lino yakupita.

2 Samueli 16:1

Lino Davidi wapita sile akatalamukila ukucila pa kansonsi ka mwamba, lilyo kwene iyakomenkana na Ziba, umuomvi wakwe Mefibosyeti, wino wasenzile yapunda asenzile imikate imyanda iili, ni ving'ango umwanda onga ivya mikoto ya matingi, nga ni mikungo umwanda onga iya viseekwa, nga ni nyambi yakwe waini.

2 Samueli 16:15

Pa nsita ilya, Abusalomu na onsi yonsi aina Izlaeli yiiza ku Yelusalemu, nga Aitofeli wali pamwi nayo.

2 Samueli 17:5

Lelo Abusalomu avwanga ati, “Ngamilini Husyai umwina Aliki, muleke tuvwe cino amalanda.”

1 Yamwene 11:7

Solomoni asuka akuula incende yakupepelapo papela ya mwamba lwaku ufumondaka wakwe Yelusalemu, apa kupepela Kemosyi, kaleza kaluwi ka ina Moabu. Alino na pakupepela Moleki, kaleza kaluwi ka ina Amoni.

1 Yamwene 4:16

Baana umwana umonsi wakwe Husyai wangalilanga ku Asyeli nu ku Bealoti.

1 Milandu 27:33

Aitofeli wali a mpandamano wa mwene. Husyai umwina Aliki wali acuza wa mwene.

Masamu 3:7

We Yawe, katuka! Nduntuule we Leza wane! Pano ukauma anisi yane umu nzekete. Ukatembola antu aipe.

Masamu 50:15

Mwemo mwandaizya sile ndi mwazanzwa na malanda. Nemo namamutasyanga, namwe mumandumbanyanga.

Masamu 91:15

Lino yene yalandaizya nemo ndayasuka, lino yaponelwa namalanda nemo namayanga nayo. Namayataasyanga nu kuyacindamika.

Luka 19:29

Lino wafisile pipi na Betifage na Betaniya pa Mwamba wa Olivi, atuma alondezi yaili nkolelo ayanena ati,

Yoswa 16:2

Kufuma ku Betele iya ku Luzi, ilambila ku mpanga ya ina Aliki mu Ataloti,

1 Samueli 4:12

Uwanda kwene ulya umuntu umwi uwamu mutundu wakwe Benjamini atandika ulwilo ukufuma ukwayelile ulwi nga aya afika ku Syilo. Umuntu wilya pakulanga ulanda uno yali nao, alepola ivyakuzwala vino wazwite nu kuisansa ulukungu ku mutwe.