2 Samueli 15:25 - Amazwi Yakwe Leza 2013

²⁵ Lyene umwene anena simapepo Zadoki ati, “Swilizya Mbokosi ya Upangano yakwe Leza uitwale mu musumba. Ndi cakuti Yawe wazangila munondi, ale wene alambwezya mu musumba akaleke nkize nkailole nupya nkalole na pa cifulo pano itenzi.

2 Samueli 15:25 ပူးပေါင်းရင်းမြစ်များ

2 Samueli 6:17

Alino iyasuka yingizya Mbokosi ya Upangano yakwe Yawe, nga iyayika umu ncende yakweyo umukasi ki taalu lino Davidi wimike. Alino Davidi apeela impolelwa zya mawila yakoca ni zyautandano pa manso yakwe Yawe.

2 Samueli 7:2

Nga alino umwene Davidi anena kasema Natani ati, “Si lola nemo nkaikala mu ng'anda ino yakulwa ni mbao zya mukelide. Lelo Mbokosi ya Upangano yakwe Leza yene ikaikala mwi taalu.”

Masamu 122:1

Nazanzile wakwe cimwi lino nuvwile yakuti, “Katuye uku ng'anda yakwe Yawe.”

Masamu 122:9

Apa mulandu ni ng'anda yakwe Yawe Leza witu, namakupepela uye nu longo.

Masamu 26:8

We Yawe, nemo natemwa ukwikala umu ng'anda yako, umu cifulo cako umwazula ucindami wako.

Masamu 84:10

Ukwikala wanda onga umwi sano lyako kwaluta amanda izimbi lyonga ukwikala kuze. Nupya ukwikala pa mulyango wa ng'anda yako we Leza, kwazipisya penepo ukucila ukwikala umu mang'anda ya antu aipe.

Kufuma 15:13

Watutungulula antu yako yano wapuswisye ku anisi yao mu lukundo lwako ulusikaoka. Ku maka yako wayatungulula ku mpanga yamuzilo.

Kufuma 33:12

Mose anena Yawe ati, “Lyonsi ukanena kuti ntungulule antu yaa ku mpanga ilya, lelo utanena wino ulatuma kuti mpite nawe. Lelo nupya watuvwanga uti, ‘Nakumanya ningo, nupya ukazangila munondi.’

Kufuma 33:13

Acino ndakai nkukulenga kuti ndi ukazangila munondi undangilile nzila zyako pakuti ntwalilile kukutumikila nu kukuzanzya. Nupya iusya ukuti umutundu uu, wa antu wewe wausolola ukuya wakwako.”

Ezaya 38:22

Lyene Hezekiya auzya ati, “Uzye icani cino namamanyilako ukuti ndakwata nupya amaka akupitila apakuya uku Ng'anda ikulu yakwe Yawe?”

Yelemiya 25:30

“Wemo we Yelemiya uyasowelele amazwi yaa yonsi nu kuyanena ukuti Yawe wauuza umwiyulu, wapangalansya ni zwi lyakwe lyapapela mu cifulo cakwe icicindamisye, wauzila uluwa lwakwe pa maka nu kupundisya ku antu yakwe apano nsi, kwati ukupundilila kuli yakafena ya matingi.

Yelemiya 7:4

Tiini ukutaila mu mazwi yalya ausomvi nu kuvwanga muti, “Sweswe yacingililwe! Ii, ili Ng'anda ikulu yakwe Leza, ii ili Ng'anda ikulu yakwe Leza, ii ili Ng'anda ikulu yakwe Leza!”