2 Samueli 14:33 - Amazwi Yakwe Leza 2013

³³ Acino Yoabu aya ku mwene Davidi nga amunena vino Abusalomu wavwanzile. Lyene umwene aama Abusalomu, nga nawe aingila, afukama pansi afupime. Umwene nawe amutonsola pa kumuzengela.

2 Samueli 14:33 ပူးပေါင်းရင်းမြစ်များ

Utandiko 27:26

Lyene isi amunena ati, Mwanane, palama pipi untonsole.

Utandiko 33:4

Lelo Esau asimula ku kukomanya Yakobo. Lino wafika amukukula, amutonsola nga lyene yoili iyatandika ukulila.

Utandiko 45:15

Lino Yosefu acili akulila akukula nu kutonsola cila wenga mu ina yakwe. Pacisila cakwe ci aina yakwe yatekeziwa iyatandika kulanda nawe.

2 Samueli 15:5

Na cila nsita ndi kwaloleka umuntu umwi, Abusalomu wakonzololanga ikasa lyakwe, amukumbata nu kumutonsola.

2 Samueli 19:39

Lyene Davidi na antu yakwe yonsi iyalamba Yodani. Alino atonsola Balizilai nu kumupolelela, nga Balizilai aswilila ukwakwe.

1 Yamwene 1:53

Lyene umwene Solomoni atuma akuya aama Adoniya nga iyamuleta ku kavuwa. Alino Adoniya aya apaali umwene afukama pansi, nga umwene amunena ati, “Pitanga ukwako.”

Luka 15:20

Caleka akatuka aya kuli isi. “Lelo lino acili kutali kufuma kumwao, isi amulola; aya na mizu mu mwenzo wakwe. Alino asimula amukukula nu kumutonsola.