2 Samueli 14:32 - Amazwi Yakwe Leza 2013

³² Abusalomu nawe aasuka ati, “Pamulandu wakuti utizile lino natumile uwa kwizakwama pakuti nkutume ku mwene ku kumuuzya uti, ‘Uzye pacani cino nemo nafumile ku Gesyuli nu kwiza kuno? Cange cizipe inikala kuku kwene.’” Abusalomu atwalilila ukuvwanga ati, “Acino lyene nkasi ukulolana nu mwene, nga ndi cakuti indi nu mulandu umwi, ale lyene cingazipa kuti ankome.”

2 Samueli 14:32 ပူးပေါင်းရင်းမြစ်များ

Utandiko 3:12

Umonsi nawe aasuka ati, “Umwanaci wino wampeela kuti aya nani uwali wampeela viseekwa, nga nani nalya.”

2 Samueli 13:37

Abusalomu utwike aya ku kuzina kuli Talimai umwana umonsi wakwe Amiudi, umwene waku Gesyuli. Lelo umwene Davidi alosya Amunoni umwana wakwe umonsi pa nsita ntali.

2 Samueli 14:31

Lyene Yoabu aya ku ng'anda yakwe Abusalomu nga amutoka ati, “Uzye icani cino aomvi yako yatiyasonteka umoto mu calo cane?”

2 Samueli 3:3

Wakwe ciili wali a Kileabu, wino nyina wali a Abigelo, uwatwitwe ku muyazi Nabali, uwaku Kalimeli. Wakwe citatu wali a Abusalomu wino nyina wali a Maaka umwana umwanaci uwa mwene Talimai umwene waku Gesyuli.

Masamu 36:2

Wene akailola kwati wataluta yonsi, nu kwelenganya ukuti Leza atange amanye uyi wakwe, nu kupeela umulandu atange apelwe foo.

Kufuma 14:12

Uzye tutakunenyile lino tutali tufume ukuti vii vingacitika? Twakunenyile ukuti utuleke sweisikulu tutwalilile ukuya azya ya ina Eguputo. Cange cituzipile ukuya azya kuku ukuluta kufwila muno mu lwanga.”

Kufuma 16:3

Liyanena liti, “Ngani cazifile kuti Yawe aleke tufwile mu Eguputo. Kuku twalyanga inyama ni vyakulya vyuze tukwikuta. Lelo mwatuleta mu lwanga kuti swensi tufwe ni nzala.”

Kufuma 17:3

Lelo antu yali nu lusala cuze nga yatwalilila kuilizyanya kuli Mose yati, “Uzye pacani cino watufumizye mu Eguputo? Uzye walondanga kuti utukome nu lusala, sweswe, ana itu, nga ni viteekwa vitu vwile?”

Mapinda 28:13

Wiyo akafisa amaifyo yakwe atalaya nu longo foo. Lelo wiyo akailongwela amaifyo nu kuzenzuka, akaelelwa uluse.

Yelemiya 8:12

Insonyi zilinzile kuyalema apa vicitwa vyao iviipe, ivya lupato. Lelo camupamba yene yasyauvwa insonyi, awe. Icaleka fwandi yalapona pamwi na ali nu kupona. Lelo ndiza njavunuke, yalasumbwa pansi.’ ” Ivyalanda ne Yawe.

Mateo 25:44

“Alino nao yalavwanga yati, ‘Mwene uzye alilaci lino twakuweni ala uli ni nzala, nanti nu lusala, nanti lino wali mwenyi, nanti musizye, nanti mulwale, nanti mu ng'anda yaminyololo, kwaula kukupempula?’

Loma 3:19

Lelo swemo twamanya ukuti vyonsi ivyaya mu Masunde vyakuma antu kwene yao apilwe Masunde, pakuti kutaya umuntu nanti wenga uwakuipela insambu, nga na pakuti amu nsi yamanye vino Leza alayapingula.

1 Samueli 15:13

Lelo Samueli avwanga ati, “Si angala Yawe akupolelele! Nemo natimfikilizya ukulingana na malamulo yakwe Yawe.”

1 Samueli 20:8

Acili cino fwandi yame, unganguvwilako uluse, ne muomvi wako pakuzana ukuti twapangana nawe upangano pa manso yakwe Yawe. Ndi cakuti indi nu mulandu, lyene cazipa sile wewe kwene unkome! Uzye pacani cino ungantwalila kuli so?”