2 Samueli 14:25 - Amazwi Yakwe Leza 2013

²⁵ Kutali umuntu nanti wenga umu ina Izlaeli yonsi wino yangalingana na Abusalomu ku kuyemba. Wene atakweti akaulema nanti kamwi, ukutandikila sile ku mutwe wakwe mpaka na pa kakando.

2 Samueli 14:25 ပူးပေါင်းရင်းမြစ်များ

1 Yamwene 1:6

Isi Davidi, atatazile amunenole ati, “Uzye pacani imicitile yako ili wakwe vii?” Adoniya nawe kwene wali umuyembe wakwe cimwi nupya uwali uwikolo pacisila cakwe Abusalomu.

Yobo 2:7

Satana nawe ali pakufuma asya Yawe nga aya alwalika Yobo ivilonda umwili onsi. Ukutandikila sile apa tukando mpaka nu ku mutwe.

Mapinda 31:30

Upaale wene ukasomba sile. Ukuyemba nako kwene ukwasilesile. Lelo umwanaci wino akaoopa Yawe, aliwe alinzile ukulumbanyiziwa.

Ezaya 1:6

Ukutandikila ku mitwe ukufika sile na pa tukando, pasi nanti pamwi apasyala umu miili inu pano tungati apa puma. Imiili inu yaya sile ikuuzuluke, ni vilonda nga ni vilase vitupu. Alino navyo kusi akavifulila, ukuvinyepela nanti ukwikapo umulembo.

Ezekelo 23:15

Yali aonsi apombelizye vimisipi mu misana ni nsalu zikulu ku mitwe. Yonsi kwene yalolekanga wa ntunguluzi, yali unkolanya wa ina Babiloni, akaya yamu Kalideya.

Danieli 1:4

mu alumendo yano yatakwata indema nanti imwi, ayembe mukuloleka, yayo acincile ukusambilila, apakuti yene yangalinga ukutumikila mwi sano lya mwene. Asyipenazi wapilwe umulimo wakuyasambilizya kuwelenga nu kulemba icilimi ca ina Babiloni.

Mateo 23:27

“Kalanda kunomuli mwe yakasambilizya ya Masunde na Afaliseo! Mwe yasomvi mwe! Mukoline na malindi yano yatakasa nu mula kunzi yano kunzi yakaloleka ayembe, lelo mukasi kakweyo mwazula mafupa ya antu afwe nga ni vintu vyonsi viole.

Efeso 5:27

Wacisile cii kuti aleke iuvi liloleke ilyalulumbi nupya ilyamuzilo, ilyaula mulandu nanti iyala nanti mikwinya nanti ndema zyuze.

Malango 28:35

Yawe alalenga kuti ivilonda vipuuke konsi ku makulu inu, vinakasambo ivitalatala vipole, alino ni vipute ukutandikila sile ku tuntunta mpaka nu ku mitwe inu.

1 Samueli 16:7

Lelo Yawe anena Samueli ati, “Utalola pa milolekele yakwe isuma nanti ukutalimpa kwakwe, pano asi wino nsonsile foo. Antu yene yakalola imilolekele ya kunzi, lelo ne Yawe nkalola ivili mu mwenzo.”

1 Samueli 9:2

Kisyi wakweti umwana umonsi wino yatemile izina iyati a Saulo. Saulo wali umulumendo umwi umuyembe sana cakuti mu ina Izlaeli kusi uwamulusizye ukuzipa. Wene wali umuntu umwi umusolopoke. Nupya wali umutali ukuluta yonsi.